رباعية .. للشاعر / محمد واصل

دعينى أفك عنك تلك التوكات ...... شعر وتصميم / عادل دعبس

مرور الوقت كبرنى ... شعر وتصميم / ايهاب السقا

رجعتم إلينا ... للشاعر / حمدينو الشهاوي Hamdino Alshahawy

رجعتم إلينا

*****

ضحكتي ماتت حتى

رجعتم إلينا

بعد البعاد

وأمنياتٍ لنا ورجاء

حللتم علينا

كماءِ السحابة

بعد عطشٍ طويلٍ رِواء

تعالوا إلينا

كما كنتمُ انقياء

فمنذ رحلتم ونحن نسينا

الابتسامة ولازمنا البكاء

وكنا نسير بغير دليلٍ

فأنتم لنا كبدرِ السماء

رجعتم لنفرح بكم عائدين

لتسكنوا بين الضلوع ونبض الوتين

وهذا أقلُ الوفاء

فأنتم يا أحباب قلبي

بذاك الزمان المهين

كنتم رموز الكبرياء

رجعتم إلينا كنسمة صيف

رجعتم كدفء في فصل الشتاء

تعالوا إلينا فطال اشتياقي إليكم

فأنتم في نهري عذوبة ماء

وأنتم في شراييني الدماء

رجعتم إلينا فحمداً لربي

علي عودةٍ بعد طول انتظارٍ

كان جمال اللقاء

*****

حمدينو الشهاوي

مع السلامة .. للشاعر / زكريا شاهين

مَعَ السَّلامَةْ✋

✍️✍️✍️

اِللي يِطْلَع مِنْ حَيَاتَكْ

قُوْلُّه عَادِي مَعَ السَّلامَة

زَي مَ تْبِيعْنِي هَبِيعَكْ

اِلغَشَامَة بِالْغَشَامَة 

لمَّا أَوْفِيلَك وَأخْلِص

وإنتَ تِدِّينِي خِيَانَة 

لمَّا أَمْنَكْ زَي أخُويَا

وإنتَ بتخون الأمَانَة 

يبقى صُحْبَة بَلَانَا مِنْهَا

يَلَّا اِمْشِي مَعَ السَّلامَة

خُدْ فْ ا

دِيك البَابْ وَرَاكْ

دا اْنتَ كُوكُتِل مْ الرَخَامَة

✍️✍️✍️✍️✍️

زكريا شاهين

الحاضر لينا .... للشاعرة / حنان محمد الحسيني

الحاضر لينا

★★★★★

مين اللي عليه الدور فينا

لما عن الوعي إتغمينا

مستكتر ليه لبس كمامة

وكورونا محاوطة لأهلينا

إبعد مترين إيه اللي ح يجرى

وبلاش أحضان دا كورونا فاجره

البوس محبكش أنا ف عرضك

بسلامك راح تقضي علينا

عقمنا بيوتنا ليه الزيارات

مش وقته نقول ونعيد حكايات

انا عايز أنجى ببلدي يا ناس

الحال مايسرش أعدينا

والله القلب بيتقطع

وبيخرجوا يتحاكوا علينا

وينزلوا أكاذيب بتفرقع

بيقولوا على المصري نهينا

طاب بصوا وشوفوا إزاي كونا

وإزاي للقمة إحنا وصلنا

طاب ليه بنقطع اوصلنا

وإحنا اللي الحاضر جاي لينا

......................

حنان الحسيني

حكم الزمن .. للشاعرة / الهام شحاته

حكم الزمــــــــــــن

...................

حكم علينا الزمن

والحكم كان قاسي

فصلي توب الحزن

طلع علي مقاسي

احكي للبشر

مش من اهلي ولا ناسي

فاكرني في حزنك يازمن

وفرحك ليه ناسي

حكم علينا الزمن

والحكم كان قاسي

فصلي توب الحزن

طلع على مقاسي

اللي غدرو من اهلنا وناسنا

والغدر كان صعب

وفي الهم احتسنا

ماهو في الهوي طب

مجروح وجرح وجع

من اعز احبابي

ابكي بانار الدمع

وفرح فيه عزالي

الشكوي لله من الزمن

دا حكمه كان قاسي

فصلي توب الحزن

طلع على مقاسي

....................

للشاعرة / الهام شحاته

رسالة شوق . كلمات وتصميم الشاعر / عبد الباسط السياجى

أبجدية الخواطر ... للشاعر / عاطف صلاح

أبجدية الخواطر

----------------

أ - أنا اللى ويا اليل

ب - بَسّهَر ونتتساهر

ت - تِعِب الفؤاد والليل

ث - ثابت م يتـــــــــــاخر

ج - جانى الوجع والويل

ح - حملى م له آخر

خ - خُفّت الدموع لتسيل

د - داريتها فى همومى

ذ - ذاد الألم بالليل

ر - راح م الألم نومى

ز - زَهّر الشباب إنتهى

س - سرق الزمن يومى

ش - شديت كتير الحيل

ص - صَبرى أمل ضايع

ض - ضاع منى وسط الهموم

ط - طعم الأمل لاذع

ظ - ظاهر لكن مايع

ع - عاتبته مال لِيِّام

غ - غاب نجمها اللامع

ف - فقالى لونه انبَهَت

ق - قبل م يجى الليل

ك - كل الأمانى إنتهت

ل - لما الزمن بيميــــل

م - مايل وميلتو ابتدت

ن - ناحية أمانى الجيل

ه - هِرب الأمـــل منهم

و - والحظ مال بيهم

لا - لأول السطر إرجعوا

ى - يارب راعيــــهم

 عاطف صلاح 

خيال الشعر . للشاعرة / مشيرة النقيب

خيال الشعر

******

وويلي منك يا شِعري

عَهِدتُ بنظمك الكذب

فأزعم أنني أعشق

وأشكو لوعة الحب

وأن البعد أضناني

وأن الأنس في القرب

فلا حب ولا شوق

ولا قرب ولا بعد

وأهوى الشعر كلمات

كطفل يعشق اللعب

ونظم البيت أتقنه

كسهم يدخل القلب

فلانجوى لمخلوق

ويملأ خلوتي ربي

ونور الله يملكني

وليس بيننا حُجب

ونظمُ الشعرَ أعشقه

وإن الحبَ للربِ

وحُب الله يسعدني

فلا بُعد ولاتعبِ

فقلبي صفحةٌ بيضاء

مهما طالت الحٌقب

وأملي حُسنَ خاتمة

بلا  خطئ  ولا ذنب

...................

 للشاعرة /  مشيرة النقيب

أغنية للأطفال . للشاعر الغنائى / السيد مهني

أغنية للأطفال

..................

بابا قال لماما

بودى واد جميل

لابس الكمامة

وبيعطس ف المنديل

وتملى يغسل إيده

بالمية والصابون

وبيدعى الله زيده

من خير ملوش مثيل

كراسه فيه علامة

بتقول بودى أمير

شاطر زى اليمامة

والخط كمان جميل

يصحى ف الصبح بدرى

ويأكل الطيور

يسقى بالميه ورده

راسم ع الحيطة نيل

حلمه يكبر ويبقى

دكتور كبير مشهور

ويعالج. الغلابة

أصله إنسان أصيل

شايل جميل بلاده

حالف ليكون شهيد

لو  داس ترابها ظالم

أو  ناكر للجميل

للشاعر الغنائى / السيد مهني

■ البدرُ في عليائِهِ يَتفصدُ ■ ............ كلمات الشاعر / عاطف حجازي

■البدرُ في عليائِهِ يَتفصدُ■

<<كلمات الشاعر عاطف حجازي>>

البدرُ في عليائِهِ يَتفصدُ

والعمرُ دونَ هواك نجمٌ يُفقَدُ

والرّوحُ تسعى ترتجي كنهَ التي

في حُسنِها كُلّ الخطوبِ تُمَجِّدُ

سَرتِ الحياةُ بوصفِها ومقامِها

ولقد وجدتُ النورَ جُنداً يَحشدُ

يُومِي لها بتحيةٍ عربيةٍ

ويقولُ في عليائِها ما يَحفدُ

فالثغرُ دُرٌّ والعيونُ مفاتنُ

والجفنُ سيفٌ قاتلٌ ومُهندُ

والجيدُ سبحانَ المصوّرِ حُسنَهِ

كالطود جبّاراً أراه يُهدهدُ

والفرحُ يُعطي للأثيرِ سناءهُ

والحزنُ يأتي ساعةً ويُبددُّ

واللهُ في عليائه قد خصَّنا

بجنان خُلدٍ والدُّعاء توددُّ

وصلاتنا دِرعٌ تقينا ذا النوى

وصيامنا فيه المقامُ يُغرد

ثوبُ الحياة قصيرةٌ أيامُه

فعشِ الحياة كأنَّ نجمَك أوحدُ

واعملْ لجناتِ النعيم فنبضُها

روحٌ تسافرُ والخلودُ تمدّدُ

لا تبتئسْ فرسولُنا قد خصّنا

بمحبة تُعطى وفيها نَسعدُ

إنّ الحياة كطفلة موؤودةٍ

وفمُ الزمان معارجٌ وتعربد

لكننا وبرغمِ ما في صدورنا

يكفي بأن دُموعَنا تتهجّدُ

يكفي بأنَّ أصولَنا من أمّةٍ

بأثيرِ أحمدَ ترتقي وتُوحِّدُ

واللى دا زيك فين ...... للشاعرة / بتول العتربي

واللى دا زيك فين

يا صحبتى وناسى

وردة على الخدين

كلمة فى كراسى

والسعد بين قلبين

دول يملوا احساسى

يتوفق الاتنين

تتجدد أنفاسى

واللى يسر العين

شيلته على راسى

عايشة صحيح زمنين

وأعمل أنا ناسى

يفرح حبيبى الزين

وأفضى أنا كاسى

  

.................... 

للشاعرة / بتول العتربى

تأملات ....... للشاعر / إيهاب السقا

النفس ماهيش عايزه

نيشان ،،، ولا يوم جايزه

ولا فايز،،،ولا فايزه

،،،،،،،،،،،،،،،،، 

كلامى يعجبنى

كفايانى واخد راحتى

وباكل ف تفاحتى

ومرحرح ف مروحتى

،،،،،،،،،،،،،،،،، 

مكانش ده حالى

أتوه ف ترحالى

واللى كان غالى

يتركنى ويسيبنى

،،،،،،،،،،،،،،،،، 

الدنيا غادرابى

وبكح ف ترابى

كان نفسى تدرابى

علطول بتهبدنى

،،،،،،،،،،،،،،،،، 

وقفالى على بابى

بتصب عِنّابى

والشُرب لصحابى

وقفالى تصلبنى

،،،،،،،،،،،،،،،،، 

الغدر زاد جامد

وإللى كان حامد

تملى يتلامض

وحبيب إللى بيعيبنى

،،،،،،،،،،،،،،،،، 

 إيهاب السقا 

يا هائما ......... للشاعرة / أميمة قدور

ياهائمآ

ياهائماً بالهوى وقد تاهت مراكبهُ

كم تهوى لقائي بمركبٍ أنت صاحبهُ

أما رقّ الفؤادُ لقلبٍ انتَ

قاتلهُ

أما رقّ الفؤاد لجسدٍ بحبّكَ ضاعت معالمهُ

كم ملأتُ اقداحك من خمري

وانت من عتقهُ

كم ابتهجت أحداقك بجسدٍ

اثملتكَ مفاتنهُ

هل مات الحبُ 

هل أغلق الجفاء كل نوافذهُ ؟

كجبالِ جليدٍ ذابت وضاعت ليالينا في سواقيه

وفي رفوف النسيان نامت دفاترهُ 

فأدركنا أنّ زمان الوصل قد

جفت منابعهُ 

فإن تلاقينا كغرباءٍ بتنا 

وكلُّ منّا يواسي غربة مقعدهُ 

........................

للشاعرة / أميمة قدور

حظر تجول ........... للشاعرة / حنان الحسيني

حظر تجول

★★★★

طالبين نعمل حظر تجول

المفروض ده كان م الأول

الأعداد زادت بزيادة

اصبح من سلبي لمتحول

مهما نقول ليه مش سامعنا

إحنا اللي نحدد مصايرنا

كده هنموت كده هنموت

أمال يعمل إيه المتسول

كل ما أشوف بعيوني النشرة

الأعداد جدا منتشرة

قلبي على الأحباب بيموت

وكورونا وحش بيتحول

بص بعينك شوف حواليك

اللي أنا شايفه جاي عليك

راعي ضميرك وإحفظ أهلك

إنت بشخصك إلى مخول

حنان الحسيني

غيمة احتراق ...... للشاعر / بوعلام حمدوني / المغرب

غيمة احتراق

الحبر مكتظ ..

بالهموم و القلق

و القصيد مواجع أرق

ينهمر من نبع يخترق

ملامح التيه

و تلابيب الغسق

لحن شجي ..

يحترق

في عيون الغياب .

الحروف كطيور النوارس

أضاعت الطريق

بين سطور السراب

و الكثير من الدموع

صراخ جسد ينكسر ..

عند أبواب ..

الأغراب ،

دهاليز شوق عتيق

يعشعش في ..

قلب الحري قذفته غيمة

على أرصفة الحياة

و حملته إلى أروقة ..

الروح الثائرة .

أهدهد ذاتي التائهة

على عتبات ..

الزمان الغابر ،

ليملأ أحزاني ..

بسلام عميق

لا أدرك ملامحه المبعثرة

في الصياح الأحمق

فيغيب الإحساس

ربما أبخل وهجا ..

بعمق الشوق ،

يمر على صمت قاحل

يمطر حروفا

لم تعد تزهر

و جيوب اللامبالاة

تجوب الغياب

خلف جدران ..

القصيد ،

خائفة من صفعات ..

النسيان .

..

بوعلام حمدوني