( عيدى وعيد ولادى ) م / عبد الحميد سالم
زمان كانت أحلى ليلة ف حياتنا هيا ليلة العيد
ننام وف حضننا جزمتنا وشرابنا ولبسنا الجديد
وحماية العيد ف طشت ستى بليفة وصابونة
وأمى بتدعك ضهرى وأحس إن جلدى حديد
لكن خايف يبوش ف ايدها بس برضه كنت سعيد
ومصروفى من أبويا يدوب ربع جنيه ولسه جديد
نركب عجل وناكل مهلبية معمولة مخصوص للعيد
******
كبرنا وحمولنا زادت وليلة العيد بقينا عليها بنتحسر
وفرحتها بنشوفها ف عيون ولادنا ونقول الله أكبر
بقى اللبس بالألفات وعشان العيد لازم القرش يتوفر
والعدية بدل الربع بقت 100 ياخدها وبالطبع هيكشر
تقوله يا واد بلاش تبذير يقولك ياحج والنبى تكبر
دى المية يدوب لسندوتش كريب وكانزى مش أكتر
أأقول الله يرحم أبوك يلا ياض متخليش دمى يتعكر
يقول كل سنة وانت طيب يا حج وبشويش علينا لنتعور
*******
ليست هناك تعليقات:
إرسال تعليق