صباحك نور وسرور والصلاة على الرسول
مسحراتي تعبت من كتر اللف في الحارات
انادي علي احمد ومهران وزينات
ونادي علي الحيران وبراحة علشان التعبان
وفوانيس بكل الالوان في ايد الصغار
مستنيين دقتي اصل انا طبال
وساعات بغني وانشد وصلي ع العدنان
صوتي وصل للسما ضحك القمر فرحان
والنجوم في السهر مستنياني اقول موال
يابختك ياصايم وناوي يغفرلك الغفار
وفي طريق الاستقامة عايش توحد الرحمن
انا مسحراتي بدق تلات دقات
دقة تفوق ودقة تفرح الاحباب
ودقة تعطف علي عبدك الغلبان
انا اصلي في الاصل انسان
حابب كل الخلق وماشي في الدنيا فرحان
يسمعني كل الطير ينتبه ويسبح علي الاغصان
حتي الورد يفتح في البستان
ماهو شهر التقي والقلوب النقية تبان
صلي وسلم على النبي صاحب شربة الماء
من حوض الكوثر بأمر الله
انا مسحراتي ولطبلتي رنات
يسمعها كل البشر اصحي ياغفلان
رمضااااااااان كررررررررريم
ليست هناك تعليقات:
إرسال تعليق