من حقى ألومك
**************
بتقولى سامحتك
وغفرت ذنوبك
وبوصى ف قلبى
مايشوفش عيوبك
طب ايه كان عيبى
غير إن الفكه
ما بتعرف جيبى
والناس السَكه
مش راضيه تصدق
إن إنت حبيبي
وده شيئ مش بيدى
وللا عيب محبوبك
العيب ف الناس
وللا الإحساس
بيغمى عينيك
ويدارى عليك
قسوة مكتوبك ؟؟
يا ظالمنى معاك
أنا قلبى هواك
واختار يتعذب
من بعد هروبك
يا ظالمنى معاك
كان ايه خلاك
تبعد عن عينى
وتقولى أنساك
كان ايه خلاك
وأنا بترجاك
بتقول على عينى
وتلم.... هدومك !!!!!
مش فارقه معاك
قلبى المجروح
وللا فارقه تشوف
العين بتنوح
يا حبيب الروح
من حقى أبوح
وأكتب ف اللوح
من حقى....ألومك
من حقى أعاتب
قلبك وعينيك
ويخاصم كفى
يا حبيبي ايديك
وأوصى الشمس
ما تطل عليك
ولا أزود همى
بشواشى همومك
خليك على عومك
واظلم ف قلوب
كات يوم بتدوب
من سحر عيونك
حلفت لعينيك
ولكف ايدك
ما فيوم تنساك
وللا حتى تخونك
*******************
رضا أبو الغيط
ليست هناك تعليقات:
إرسال تعليق