ابعدوا عن حياتى
....................
نفسى اقول كلام بس للاسف بيوجع
ماعدش فى مسامحه ولا قلوب بتسمع
مابنسمع الا صوتنا ولا اى حد تانى
وفى بحور الكلام الكل اصبح انانى
ويقدم شكوته ولايسمع لحد تانى
هو صاحب قضيه وغيره يبقى الجانى
حتى لو كان اخوه الكل اصله فانى
ولا بعرف اعاتب ولا اقول اه يانى
ولا حد راعانى ولاشافنى ولا رضانى
بطلت عشم فى حد قابلته فى زمانى
كان الدنيا خلصت م الاحلام والامانى
حعيشها انا لوحدى والوحده مجننانى
حقول خلاص ماعدش ف قلبى حد تانى
وانسى حتى الاسيه من اهلى وخلانى
ماعدش فيها اهل بيقدرونى تانى
زمان قالولنا اهلك خلاص اول وتانى
ماعدتش تانى اخد على خاطرى م الانانى
اللى بيحب نفسه ولايفكر ثوانى
انه حتى يراعينى ويحس بحرمانى
حرمانى مش فلوس لاده حب من شكل تانى
بس مافيش تقدير الكل اصبح يعانى
بطلت ازعل خلاص ولا اعاتب من تانى
لو ع العتاب كتير وقلبى بينسى ف ثوانى
نفسى قلبى ادفنه ويبطل يحس تانى
لانه مغلبنى باحساسه وعلى طول بيعانى
الدنيا ابسط بكتير للى يفكر فيها بتانى
مش عارفه ازاى افرق بين المجنى والجانى
يادنيتى ليه كده فى دروبك متوهانى
واخدانى فى سكه تانيه ودايما مدوخانى
حبدا ابص لحيانى واعيد تانى حساباتى
واسبنى م اللى فات وخلينى ف الاتى
ولا يهنى اللى رايحى ولايهمنى اللى اتى
واراعى حياتى شويه وحنسى زكرياتى
واعمل عليها حظر والغيها من حياتى
تعبت من الشد ونظام خدى وهاتى
وقلبى خلاص وجعنى حريحه كالاتى
حبعد عن المتاعب واقلها ماتباتى
بعيد عنى شويه وسبينى ليوم مماتى
ماتقرب لى تانى ولا اشوفك يوماتى
انا حبنى سور بينى وبينك انتى بالزاتى
عشان ماحد تانى يجى يقتحم حياتى
...........................
مع تحياتى/راوية حسن
Rawya Hassan
ليست هناك تعليقات:
إرسال تعليق