شوفت فيكى ... للشاعر / محمد ثروت

 شوفت فيكى

لما عينى جت فى عينك
الحياه رجعت لى تانى
شوفت فيكى الفرح كله
وأبتسم عمرى وزمانى
مهما ما أقولك ع اللى حاسه
مش هأقول إحساس ملانى
كل دقه ف قلبى ليكى
بتصالحنى على الأمانى
واللى شوفته فى قربى منك
شئ جميل غير لى حالى
أرتوى قلبى بحبك
وإنشغل بيكى ف ثوانى
يالا بينا نمحى خوفنا
ياما عشنا سنين نعانى
نزرع الورد ف قلوبنا
ننسى خوفنا م الليالى
أنت أجمل حاجة غاليه
سحرها ساكن خيالى

كلمات الشاعر محمد ثروت