عتاب .... للشاعر / حسن السحماوى

 

عتاب ..!

..........

مش معنى اعاتبك ..
يبقى ناسيك ..!
لا .. دنا فاكرك ..
واطمن ..
أنا موجود حواليك ..
بس أنت كمان
روحك سارحه
فى حاجات جواك ..
وف روحك
لسه حاجات يتضيع
جواك .. مواضيع
فبتسحب نفسك
من جواك
وتغير فيك
مع إنك لسه
فى قلبك طفل وديع
مش معنى كلام
اتقالك يوم
الحلم يكون جواك
كوابيس .
وبنيت فى خيالك
واستغنيت ..
طب لما لقيت
القول كداب
ليه عشت الضلمة
وسيبت النور ..!
خفافيش الضلمة غلان
بتثور
فراشات الصبح تعيش
فى زهور .
مع انك عارف
ان المشوار فى الأخر ..
زيف ..
والا أنت خلاص
روحك نسياك
ومافيش تجديد ..
مع إانى كتير
حسيت بهواك ..
فكرتك بيك
بتروح لبعيد ..
ماتبص وراك
كم عدى وفات ..
وسنين تتسرسب
من حواليك
مش فاكر . كام .!
ماهو لو كنت دبحت
الخوف جواك ..
كنت أنا حا اهواك ..
واستنى معاك
بس أنت اخترت
تعيش براك ..
وبنيت جواك
فى قصور أوهام
صدقت كلام ..
عش الخفافيش ..!
............... فارس الكلمة
حسن السحماوى ..