ما تسيبش بابك للوجع مفتوح
و تروح و تشكى للى مش فاهمين
و تخلى دمعك ف العيون بيبوح
و حروف كلامك ع السطور تايهين
لملم جراحك و ادعى رب كريم
يهديك لنفسك ... هو دا الموضوع
خالقك و عالم امتى تبقى سليم
و امتى تشبع حتى لما تجوع
و العبد زيك ... فيه وجع محبوس
و ايديه تملى مهما طالو قصار
افتح كتابه .. اقرا منه و بوس
و الجأ بقلبك و ادعى بالاسحار
قول له .. الهى .. ليا مين غيرك
و لمين يا ربى هاشكى انا خوفى
نور طريقى ... تم لى خيرك
انت اللى عالم بس بظروفى
..........................
للشاعر / فهمي علي
ليست هناك تعليقات:
إرسال تعليق