حاولت أصالح زمانى
..........................
حاولت اصالح زمانى بيك
واقوله ليه كده يازمانى
انا بس اللى مشغوله بيك
ياريتك تكون مكانى
تحس مره باحساسى
حبك ده مالى انفاسى
انا ممكن معاك اقاسى
وياريتك ماتكونش قاسى
***************
ياريتك تنشغل بيه
وتفكر شويه فيه
وتدينى شوية حنيه
ويبقى قلبك عليه
لانك انت اللى ليه
غالى على قلبى وعنيه
***************
حبيت اقولك كلامى
واوصلك سلامى
وصورتك دايما قدامى
وصوتك دايما بودانى
تنادى عليا اجيلك
لو اخر الدنيا اعديلك
حبيبى دايما بناديلك
لو تطلب روحى اديلك
وقلبى ماحب سواك
وعينى ماشافت غيرك
لوشوفت حد يعرفك
احب معاه اجيب سيرتك
واحب اساله عنك
يحكى ويقولى اخبارك
ويطمن قلبى اللى نفسه
يهدى ويعرف حكاياتك
..............................
للشاعرة / راوية حسن
ليست هناك تعليقات:
إرسال تعليق