أنتِ فين ...!
ياللى قلبى حس قلبك
لما دق ... مرتين ..
دق لما سمعت صوتك ..
دقه تانية .. فى رمش عين ..
أنتِ فين ..!
خدنى شوقك للتلاقى ..
واتقابلنا مرتين ..
لما عاش الحلم صاحى
نظرة الشوق بالحنين
مره تانية شبكنى قلبك
جوه قلبى بلهفتين..
مره تانية فى إشتياقى
نظرة حلوة برمش عين
أنتِ فين ..!
نفسى أكتب لك قصيدة
من ملامحك فى الحروف
حب صادق صدقينى .
حب ما بيعرفش خوف
تشبهك صوت جوه صورة
تملكينى فى شوق حنين ..
حب متملك .. ومالك .
حب صادق باليقين
وأنتِ ساكنه فى نن عين
حُبُ راسى فى شط كاسى
لما كان قلبك سفين .
كنتِ مرسى وكنت مينا
قلبى خطط فى الخطوط
قام رسمنى جوه قلبك
فى العواطف .. إخطبوط
بس دا رايح لفين ..!
أنتِ فين ! ...
..................................
للشاعر / حسن السحماوى
ليست هناك تعليقات:
إرسال تعليق