اللي بنى مصر
اللي بنى مصر
فى الأصل كان فنان
صممها لوحه بديعه
ساقيه وحارسَه غيطان
مصر الحضاره العتيقه
من سالف الأزمان
**اللى بنى مصر
فى الأصل كان فلاح
على نهر نيلها دنا
والزرع صار طرَّاح
طرحت قصايد غُنا
وأرض خضرا براح
كام فُله على سوسنه
تهدينا أحلى صباح
**اللي بنى مصر
فى الأصل كان حبوب
عارف قيمتها وقدرها
م الفَرح يغزل توب
ع الصبر مفطوم شعبها
صابر كما أيوب
**اللي بنى مصر
في الأصل كان جدي
وصاني اصون عرضها
وارويها من كدي
طرحت سنابل حسنها
كام ورده على خدي
اللي بنى مصر
فى الأصل عنده ايمان
من طوبه فضه ودهب
تشبه قصور الجان
فرشها علم وأدب
والحُضن أمن أمان
ليست هناك تعليقات:
إرسال تعليق