ايمان......
لسه فاكر برده بكرة
لسه شاطر ف الحساب
ليك معايا الف ذكرى
ويا فكرة بدون جواب
محمود.....
ايوه فاكر
ايوه شاطر ف الحساب
كنت لما تغيبي عني
اعد الثواني في الغياب
،واما كان طيفك يعدي
كنت اطير فوق السحاب
ايمان.....
الزمن خد منا حظه
من شبابنا ومن قلوبنا
مرت علينا الليالي
والدقايق..... والساعات
كلها مليانه حب.....
حب خالي من الآهات
محمود.....
حبك انتي شيء خيالي
، حب سهرني الليالي
حبنا له شكل تاني
نبضه نور لي كياني
ايمان.....
بس لسه ليك معايا
الف ذكرى
ويا فكرة بدون جواب
كلها حب وسعادة
تتحسب من عمر فات
محمود....
حبك في قلبي ليه
سعاده ما تنتهيش
انتي النهارده
وانتي بكرة
وكل فكرة
وحبنا لازم يعيش
ما تفكريش
ايمان.....
أوع تهرب ولا تهجر
ولا حبي يكون سراب
أوع تنسى أي حاجة
كات معايا بدون جواب
عيش معايا الف فكرة
ويا ذكرى بدون حساب
محمود....
كل حاجة فيكي ليا
انتي عمري ونور عينيا
انتي اشواقي وحنيني
انت اهاتي وانيني
وانت كل ذكرياتي
ازاي اهرب من حياتي
ايمان....
بس خايفه لوها يجي
اليوم واسيبك
ساعة ما ياخدني
حبيبي وحبيبك
محمود.....
انتي نايمه جوا قلبي
ب تسكنيني
ليه بكلامك بس غاوية
تعذبيني
ايمان......
خلي بنا ذكرى حلوه
تفتكرني بيها
ولا ضحكة من عيونك
خلت عيوني تحن ليها
نورت بيها مخدتي
،، ذوت بيها محبتي
محمود......
ذكرياتنا لسه باقية
مع السنين
عند شجرة عند ساقية
القلوب متجمعين
، لما قلبك كان بيضحك
كانت عيوني تحسها
،، وقلبي كان فرحان
ساعتها بهمسها
ايمان.....
خليك دايماً فاكرنى
بكلمة حب حلوة
قولتهالي
اصل انت.....
ليك معايا الف ذكرى
ويا فكرة بدون جواب
عيشتها ف حب وسعادة
ويا قلبي بدون عذاب
محمود.....
انا قلبي باقي لسه
على العهود
لان حبك جوه منه
ما لوش حدود
حب صافي حب دافي
حب عايش
ع الذكريات
حب ساكن جوه
مني حتى الممات
مع أطيب تحياتنا......
الشاعرة،، ايمان ذهني
والشاعر،، محمود عمار الزلبانى
كل الشكر والتقدير على النشر والتوثيق لمجلة فن البوستات برئاسة ا. كمال العطيوى
ردحذفمع أطيب تحياتنا 🙋🏻♀️🌹