صلاة الغايب
أنا آخر حد بقابله
فى ليلتى
وارسمنى واعلق
صورتى يوماتى
على المسامير
وبشد جراحى
ومن جوايا
وافرشها فى بحر
دموع بالليل
مزامير
وامسك غربال
أحزانى واغربل
واصلى صلاة الغايب
ع الاحلام لا تطير
وافضل مستنى
عينيا تطب
فأنام تعذير
أنا بين عفاريت
بتلسوع فيا
وبالكرابيج
وحيطان بتمد
ايديها فتخطف فيا
ترمينى فى قلب
جهنم حمرا
مع الشياطين
واستنى الصبح
يعدى عليا
ف ميعديش
واتمنى فى بكره واقوله
ياريت متجيش
ماهو برضه ان جه
ف ازاى راح اعيش
خلينى فى قلب
الكهف لحد ماحد
يأامن بيا
او يطلع صبح
يدق النور فى عينيا
أنا آخر حد
بقابله يوماتى
يناكف فيا
نفضل ولحد الفجر
ما يرمى حبال النور
صياد مستنى
يشوف بس العصفور
وارجع من تانى
فى حسبه
ماليها كسور
انا اخر حد باشوفنى
وعاوزنى اغور
اشرف الشناوى
شاعر عاميه
المنصوره
البرامون
ليست هناك تعليقات:
إرسال تعليق