إمام الدعاة
إمام الإئمة وخير الدعاه
وهادي وناصح لكل الهداه
مفسر وشارح كتاب الله
وليك شعبية في كل القلوب
خواطرك وشرحك أكبر دليل
بتهدي العاصي طريق مستقيم
بيمشي عليه ولا يمكن يميل
ويرضي بحاله وبالمكتوب
كلامك بسيط وكله مفسر
وعمرك لحد ما كنت مقصر
حديثك وشرحك كله يأثر
وسايب بصمة لا يمكن تدوب
حفظت القرآن وكانلك ونيس
بتدخل الخلوة لوحدك جليس
تناجي الإله وبيه تستغيث
وتمحي ونمحي معاك الذنوب
إمام الائمة في كل البيوت
لا يمكن حديث الجمعة يفوت
عايش في قلوبنا لا يمكن تموت
علي إيدك تعلمنا وعرفنا نتوب
وبعد دا كله يطاول عليك
بعض الجهلة يشهروا بيك
لا عاشوا ولا كانوا منا في يوم
دا حال الدنيا بقى مقلوب
دا شيخنا الجليل وربه حباه
محبة ورضا وزاد عطاياه
وفي كل أموره ربه رضاه
واللي بيهاجمه أصله معيوب
شيخنا الشعرواي أمام الدعاه
وهادي الهدي حتى العصاه
وسالك طريق الخير للنجاه
هتفضل محبته في كل القلوب
ليست هناك تعليقات:
إرسال تعليق