سجال بين الشاعر فرج السقا
والشاعر الكبير أحمد أبو عاصم
عشان مانسيتك انسانى
ووفر ف الكلام واللوم
انا لاظلمت ولا.. جانى
فا ماتعش دور المظلوم
فرج...........
بلاش انت في بحري تعوم
وجرب عن هوايا تصوم
وأخر حد شطئاني
وليه تسمع نصايح شوم
أحمد أبو عاصم
ف بحرك كتير ياما عمت
وكان ردك لفعلى الصمت
واحيانا كان الاعجاب
أكونشى فى نظرك مت
فرج السقا
مادام حرفك جرئ جرب
وسد ماغيرك اتهرب
واشوف هيصة وتهيصة
وضربة وتانية يتسرب
أحمد أبو عاصم
انا حرفى بطبعه جرئ
شديد وعمره ما اتهرب
مخلوق للمعلمه ويليق
وانت عارفنى ومجرب
فرج السقا
صحيح جربت وانا فاكر
ومين قالك هكون ناكر
وخف ياعم يامعلم
ووقفة معايا وتذاكر
أحمد أبو عاصم
بذاكر ومعايه كراستى
ورايح ليك يامدرستى
لو انكر انك استاذى
قلة اصل مش صفتى
فرج السقا
بتتعلم وبتعلم
على سجالي كمان صمم
ياخوفي ياخلي تتعود
وتغلبني وانا مبلم
أحمد أبو عاصم
بتتكلم فابتعلم
على سجالك انا مصمم
وعمر حروفى ماتزود
ولا ف حضورك اتمعلم
فرج السقا
ياعم افرد وخش بقلب
كلام عالي وهاتلي مطب
محبش منك الهادي
ونيرانك عليا وهب
أحمد أبو عاصم
انا والحرف والمعنى
شيطان الشعر جمعنا
ورتلنا القريض ترتيل
مين بسلامته يسبقنا
فرج السقا
حابس حابس ياعم الجن
بلاش يصحى شيطان ويزن
بتعويذة هكون حارقه
وهتسلطن وهشرب بن
أحمد أبو عاصم
اشرب بن واسقينى
بوش وساده وادينى
وهوريك كتبر كرامات
انا اصل الجن مخاوينى
فرج السقا
حروفي تجن شمهو رش
ونيران القصيد بتــ رش
فهات ياصاحبي كرماتك
ووريني الغطا والفــ رش
أحمد أبو عاصم
فرس السجال إن جال
فانا فارسه ونا القوال
قلمى سيف بيقطر دم
وصولاتى.....تهز رجال
فرج السقاa
يامي يامي انا اتخضيت
ياخال سمي وقول سميت
وإيه معنى الحروف بالدم
بلاش تندم تقولي ياريت
احمد ابو عاصم
ليست هناك تعليقات:
إرسال تعليق