انا الصعيدى الوسيم
مرسوم فى جلابيه
اتكلم معاك بالسيم
حورات...لفنديه
سياسى بدماغ حجر
واعرف لغات الغجر
حتى الطيور عالسجر
لهجتها مقريه
تلقانى بياع رصيف
تلقانى لابس نضيف
تلقانى عالم حصيف
فى وكاله غربيه
انا ابن طين الارض
احفظ واصون العرض
دارسها سنه وفرض
والسبحه فى ايديا
انا جد ساعة الجد
بطيابه ملهاش حد
وسيفى قاسى الحد
نخوه ورجوليه
اكتب واصيغ الغنا
وبأيدى يعلى البنا
لوكان هناك او هنا
عمار ياسوهاجيه
انا الصعيدى الهمام
فخور بعزوه وعمام
صعايده آخر تمام
دول يملوا مديريه
عادل الهوارى
ليست هناك تعليقات:
إرسال تعليق