♡♡♡إبن الأصول ♡♡♡
بسم الإله المقتدر
وبحق من شق القمر
أبداً كلامي بالصلاة
علي المصطفى خير البشر
الليلة جاي انا بالفرح
والورد والياسمين طرح
بنهني أحلي من نجح
وبالدكتوراة راح نفتخر
💕💕💕💕💕💕💕
.وبندعي دعوة للسما
والمولى عالم بالقلوب
نتمنى لُه كل الرضا
. . يعيش حياة فيها الهنا
والفرح يبقى ف بختنا
. ومين حايبقى زينا
دكتور أخونا ومننا
ونجاحه يسعد كل بيت
💕💕💕💕💕💕
الكل بيه فرحان سعيد
.الدنيا جنة بلون جديد
دكتور أصيل من بيت أصول
. تعب كتير لجل الوصول
وشه بشوش فيه القبول
ماهو أصله واحد مننا
بنحبه زي ماحبنا
شَرَّف بلدنا عشان أصيل
عارف الشرف من طبعنا
💕💕💕💕💕💕💕
يارب زود فرحنا
بكلمة حلوة تشدنا
أو بهجة تسكن حينا
تبعد عن القلب الجراح
ونعيش حياة ود وسماح
والفجر جاي ويا الصباح
ويزور قلوبنا شوق القدر
💕💕💕💕💕💕💕
الحب زاد زي المطر
والميزه فيك حب البشر
الخير علي ايديك انتشر
. إفتح شراع للخير دروب
الحق دايمًا ينتصر
كمل طريقك وابني مجد
علشان نعيش بيك نفتخر
💕💕💕💕💕💕💕
وارسم حياة توفي لنا وعد
تروي دموع المنتصر
وابنى لجروحك ألف سد
ربك وعالم مقتدر
ربك يجيب لك كل خير
. ..ويوفقك للخط سير
محسوم بنظرة الأمل
يارب فرحة تكون جلل
ننسي فيها لأي مُر
💕💕💕💕💕💕
آخر الكلام قبل السلام
ويا الختام.................
انا بدعي ليك كل الدعا
ربي يراعيك ويحفظك
ويا القلوب متجمعة
وتنول نجاح ووراه نجاح
وشموع تضل مولعة
ترسم طريقك نور وورد
.. ويزين حياتك كل ود
وتقول إلهي ألف حمد
على نعمتك ... زارني الهنا
💕💕💕💕💕💕💕
💕💕💕💕💕💕💕
بقلم ♡♡♡محمود صابر
ليست هناك تعليقات:
إرسال تعليق