محتاج لإيه
غير إيد تطبطب ع الجراح
إيد تكون لك يوم ..... سند
وقلب يعرف معنى السماح
،،،،،،،،،،،،،،،،،،
محتاج لحد يكون صديق
ولا حد يكون ........ حبيب
ولا حد يكون .......... معاك
فى الطريق دايما ..... رفيق
،،،،،،،،،،،،،،،،،،،،
محتاج تحس بقلب ماات
من كتر وجعه من .. الفراق
محتاج تعيشلك يوم سعيد
تعالى دور فى .... الذكريات
،،،،،،،،،،،،،،،،،،
يمكن تلاقى شئ ..... يفرح
أو حضن دافى يبقى مطرح
يحمى عضمك من الشتاء
ويداوى شئ من إللى انجرح
،،،،،،،،،،،،،،،،،،
محتاج تكون زى .... البشر
عشان تحس إنك ... إنسان
محتاح يكون قلبك حجر
وبلاش تعيش دور الغلبان
،،،،،،،،،،،،،،،،،،
محتاج يكون دورك قوى
وتكون بطل كل المشاهد
لازم يكون قلبك .... قوى
ويكون معاك من الناس شواهد
،،،،،،،،،،،،،،،،،،
بلاش يشوفوا .... دمعتك
أو يحسوا إنك .... ضعيف
لو حسوا مرة .... بكسرتك
هايقولوا قلبه يا ناس خفيف
،،،،،،،،،،،،،،،،،،،،
وشوية شوية هينسوا جنابك
والكل هايبعد ... وهاينساك
وبنفس الضحكة .... الكذابة
هاتشوف فى وشوشهم حاجة عجباك
،،،،،،،،،،،،،،،،،،،
رزق محمد الطائر الحزين
ليست هناك تعليقات:
إرسال تعليق