على قد ما كان قلبي معاكي
وعيوني السودة بتهواكي
علي قد ما كنتي بتنسيني
وتداوى جراحك بأنيني
وانا عايش وهَم وصدقته
وبقول للناس بتحبيني
مش عارف ليه قلبي اختارك
واستحمل ليلك ونهارك
وانتي اللي بنارك كويتيني
وجرحتي الورد ف بساتيني
وبعيش على نظره ماهيش ليا
ودموعي بتبكي على سنيني
على قد ما كان ظلمك ليا
كان قلبي بيحلم وعينيا
انك هتجيني وتخديني
على بر هواكي وترويني
واتاريني عاشق متغرب
ف بحور الوهم على جييني
مش عارف ليه أنا صدقتك
واديتك اكتر من حقك
مع انك كنتي بتسقيني
من كاس المر وتخديني
لزمان مش حاسس بمشاعري
ولا شايف دمعي اللي ف عيني
ليست هناك تعليقات:
إرسال تعليق