فيس الصيادين
نزلت فيس الهوي
والشعر والجرسه
وقابلت رزمة بشر
وشيلتين وكسه
وشيوخ بتكتب عنب
وبنات تجيب فرسه
وناس بتلعب حطب
وناس ما هيش حاسه
ونصب نصب الشرك
ومريلين لحسه
وعلماء لم يعلمو
بالصوره والكابسه
يا صيادين الحمام
غربان بلا نبله
صيد الحمام مش هنا
الأرض مش حبلة
ولا يوم هاتطرح ود
ولا كل البنات هبله
سمعت كل ادان
وفينها دي ال قبلة
حلو الكلام هندام
لاكن بدون قبله
كتبت عن قصتي
ف الفيس وأحواله
رجيت جميع الخلق
تتملا في جماله
تكتب صلاة النبي
تسمع لأقواله
الحسنة بقيت ألف
والقلب بأعماله
حسن سلوك الناس
يا سعد من عانه
بركة ليوم العرض
نفرح بأعماله
ءءءءءءء
عاطف كمال
شاعر هواره
علي ضفاف قصيدة الشاعر القدير
ابراهيم القاضي فيس التنابلة
ما أروعك وما ابهى حرفك
ردحذف*** مـدرســة كــوكــل
---------------
من يومي وانا صغير احب الفسفسه
اهرب واروح السيبر ولا رُحش المدرسه
اعمل لايك واعلق وآخر مهلسه
ع الخاص اكتب رسايل آخر فرفشه
لصحابي بالأسامي والبنت مشمشه
صورتها كليوباترا وبتدرس هندسه
اتعلمت القباحه وأصول الملحسه
والآخر السنادي رفدتني المدرسه
وادتني جايزه كبري جردل ومكنسه
------[مبروك البنا]-------