الغربة ....... للشاعر / حسن السحماوي

الغربة ...!

...........

الغربة ..

شعورك إنك مسكين ..

وتوافق دايما بأمين

الغربة ..

فى قصيدة شعر ..

مخنوقه جواك ..

محبوسه فى هواك ..

مش عارف تكتب منها ولا كلمة ..

وبتصرخ جواك ..

بتحايل فى هواك ..

من ليلة أمسك ..

من لحظة همسك ..

لما تحس بإنك سهران ووحيد ..

لما تشوف القمرة الساكنة سماك .. نسياك ..

ولحد الروح الساكنة فى هواك ..

بتصبح على كل الناس الا حبايبك

الغربة ..

إنك حاسس ظلمك ..

وتوافق على هجرك ..

وتودع شط هواك برضاك ..

الغربة ..

تأشيرة سفرك . على كف إديك

والايد التانية ماسكاك ..

بتلم دموعك فى عنيك ..

وتودع حلم حنينك .. ..

الغربة ...

على شىء مانتش عارفه ..

لكن شايفه ..

بيخنق فى الإحساس جواك ..

الغربة .. .

صداع فى الراس ..

بيدق الأجراس ..

وبيخنق فى الأنفاس ..

الغربة ..

على كلمة حاسس بيها ..

مش عارف اوضح معانيها ..

ولا اعرف اكتب منها حروف ..

علشان متملك منى الخوف ..

محبوسه الروح جوايا

.. الغربة فى هواك ..

إنك محتاج لرضى مولاك ..

وتسامح من جواك ايامك ..

لجل تحقق احلامك ..

الغربة .. ابويا وأمى ..

وفاتونى لهمى ..

وزمانى ووقتى وعمرى ..

وسنين مسكانى نواح ..

الغربة .. جراح ..

لما اتمنيت يتحقق حلمك ..

ولاهمك امرك .. إيه حاتكون ..

الغربة ... ظنون ...

فى مين اللى ناسينا ..

ومين اللى فاكرنا ..

ومين اللى بيجلد ضهرك ..

برضاك ..

الغربة ... فى ثقتك .. مع نفسك

مهزومة ..

وسنين ... نكراك مع ناسك

مأنونة ..

وبتسقيك كاسك هجر الأيام ..

بتودع شط الأحلام

الغربة ..

كلام ..وكلام .. وكلام ..!!

.........................

 فارس الكلمة

الشاعر .. حسن السحماوى