رسالة شوق
**************
باعت رساله مضمونها
مكتوب ف سطورها وحروفها
تحيه منى والف سلام
وقبل ما أبدأ فيها كلام
هاتقابلك فيها دموع عينى
بتشكى شوقى وحنينى
مكتوب سطورها بخط الأيد
والحبر جاى من جوه وريد
وياريت ياحبيبى ماتشوفها
ولا تحسش بمضمونها
فى بداية رسالتى بكتبلك
ياحبيبى سلم على قلبك
سلام من عندى يصل عندك
متحمل شوق بيحكيلك
على إحساسى وأنت بعيد
ف وجود الناس ببقى وحيد
قلبى معاك وروحى معاك
وما أملك اسير لهواك
بحكيلك فيها عن حبى
وايه اللى باقى من قلبى
غير كام نبضه موجوده
ودقات قلب معدوده
ف الرساله بتقولك
إرجع حبيبى مشتافلك
وأنا ف بعدك ماتسألنيش
لا يمكن بعدك هقدر أعيش
وف النهايه مستنيك
وآخر كلمه بكتب ليك
خد بالك حبيبى عليك
وسلملى على قلبك
م/محمد بدوى أبوالعلا
ليست هناك تعليقات:
إرسال تعليق