*******
داوي جراحك بدارك
يابو المشاغل كتيرة
إوعاك تسبب ضياعك
لو مرة تعمل مسيرة
من غير ماتاخدحذارك
تبقى الكورونا خطيرة
******
.اقت علينا المساكن
ساعات مكوثنا الطويلة
ونسينا لون الشوارع
ملناش غيرالحبس حيلة
نِتمنىَ يُسْر الصعايب
بعد ما كانت عسيرة
*******
دا اختبار م الرب لينا
غليت الدنيا ف عينينا
كل هم الناس حياتها
وافتكرنا الموت نسينا
فجأة جالنا الموت مافرق
ناس غنية وناس فقيرة
********
دا مرض فتاك وطايح
في البشر بالمر طافح
شوفنا فيه م الساعة سبعة
تتقفل كل المصالح
بدل الضحكات بدمعة
لا العلاج ولاطب ناجح
*******
محتاجين نرجع لدينا
ننسى أخطائنا وذنوبنا
نستغيث بالله ونعلن
رحمتك يارب توبنا
كل واحد منا يرجع
قبل ما الدنيا تحاسبنا
ليست هناك تعليقات:
إرسال تعليق