كلماتى .. للشاعر / محمد عبد الرحمن

ودعتك ... للشاعر / ماهر محمود

ودعتك.

ودعتك غصب عني.

كنت فاكرك حته مني.

أتاريني بحب غيرك.

وواخد قلبي مني.

ودعتك.

كنت بهرب من هواك.

كنت عارف إنك ملاك.

بس قلبي مش بإيدي.

وإختار سكه هلاك.

ودعتك.

شوقي ليك.

مش شوق حبايب.

ولاقصه قلب دايب.

كنت محتاج حد جنبي.

يواسيني في إللي غايب.

ودعتك.

معاك إنت نفسي أكمل.

أمشي مشواري وأطول.

بس خايف من مشاعري.

ييجي يوم عنك تتحول.

ودعتك غصب عني

كنت فاكرك حته مني.

أتاريني بحب غيرك.

وواخد قلبي مني.

ودعتك

كلمات ماهر محمود.

وصايا زوجة لزوجها بمناسبة فيروس كورورنا.... للشاعر / جمال زكي عينر

وصايا الزوجة لزوجها المتواجد بالبيت 

في ظل الظروف الراهنة 

( فيروس كورونا ) :

خليك في البيت ده قعاد ببلاش

من غير عكننه من غير تعكير

خليك هادي وما تدوشناش

ما تفرجشي علينا الغير

ما تقولش اهو راح الواد وماجاش

بنتك ع النت بتعمل شير

ماتقولشي اهو مات والتاني اهو عاش

العمر بتاع رب المقادير

لو حاجه مش عاجبه اديها طناش

اصلك حتلاقي في من ده كتير

مش عايزة مناهدة كتير ونقاش

ما تدقش خلي السر ف بير

العين ع الحاجب ما بتعلاش

انا ست البيت ورئيس ووزير

عدي المركب ما تغرقهاش

علشان البحر مالوهش كبير

وبلاش عبارات ما بنفهمهاش

وبلاش سفسطه مالهاش تفسير

اقعد في هدوء ما توترناش

علشان الحظر يعدي بخير

بقلمي الشاعر جمال زكي عينر

رباعية ....... للشاعر الفنان / محمد عباس ابو عمر

الخطر قائم يا ساده. ............. للشاعر / عادل دبل

((. الخطر قائم يا ساده. ((

(( إحذروا الفيروس كرونا ))

////////////////////////////////

مش قصيده ومش أغاني

ومش كلام يرفع لشأني

دي الحكايه موت وعدوي

وأمر جاد مافيش فيه جدوي

والمصيبه في كل دوله

و احنا بنجرب محاوله

نلزم البيت للوقايه

والسلام بالإيد نهايه

كارثه دايره عا الضحايه

والتجمع شئ مخيف

ينشر العدوى يا ساده

والنجاة في إدينا إحنا

لجل نخرج من دي محنه

النصيحه إن احنا نرجع

لطريق المستقيم

نطلب المولى يسامحنا

عا الذنوب طول السنين

نفتكر تقصيرنا ديما

في العبادة يامسلمين

كل يوم ناصبين شوادر

للغنا والرقاصين - - - -

والفرح با الشيشه والع

والملافظ شيء خطير

والشباب في الرقص بارع

َوالحشيش للمعزومين

من كبار القوم ياساتر

م الفتن والسكرانين

والشباب الحلو ضايع

وسط هيصه مهيسين

والمعاني الصح تاهت

فوق شفاه الطيبين

مين هيقرا ومين هيسمع

لما نستهتر في دين

نحترم دعواتنا طبعا

والأذان مش سمعانين

و العباد هاجره الجوامع

و القهاوي معمرين

والسلام بقى سام عليكو

و المآذن حزنانين

والغناوي صوتها عالي

في كل شارع مدوشين

القضيه كبيره وإحنا

للأسف مستهترين

والسؤال لينا جميعا

فين صفوف المسلمين

فين شيوخنا المهتدين

تدعي لرحمن بخشية

يرفع البلوي ويعفو 

عن ذنوب متلتليين

حاولت أكتب .. للشاعر / سمير محمود

قصيدة (حاولت اكتب)باللهجة الصعيدية

....................

حاولت اكتب لِجيت الشعر ماسعفنيش فجولت فشلت لكني كتبت ولما كتبت لِجيت الحبر مامكفيش يابوي ع الحظ لو يغدر ده يوم اغبر فمش كاتب ولا جايل ولا معبر طب اعمل ايه في احساسي اللي جاتلني لابِده يروح ولاعنه بيعزلني ولا بيرحم ولابيعذر

وشيء جوايا بيزعج ومش مرتاح وبيجولي مادام فِرغ الكلام منك فحلمك طاح ونول العشج ياولدي لازمله سلاح وانا سلاحي كلام واجف على لساني و لو نطج الكلام يكتب بانك الف وحشاااني وانك دنيتي وعمري لكن في حاجة حايشاني يَجوز خوفي يَجوز ضعفي يَجوز انتي اللي عايشاني وبحلفلك بإني هطج وان كلامي عن حبك واجف ف الحلج ومش بلعن انا بختي ومش آسف على نهايتي ولا بحتج ولاحاطط صوابعي العشرة وسط الشج لكني بحج محتاجلك بكل الطيبة ومشاكلك ومشتاجلك ومش جادر أنط معاكي ع الحاضر ولا جادر اجرِبلك كأن ما بينا في متاريس ياليلى مع إني انا اعظم من ٦٠٠ قيس!

#سميرمحمود

نفسي اطبطب قوي على نفسي .... للشاعر / سمير محمود

نفسي اطبطب قوي على نفسي

واحكي معاها كتير حكايات

نفسي يانفسي بيا تحسي

وتحنيلي ولو لساعات

نفسي احس انك فاكراني

وانك جزء أصيل ف كياني

مش رافضاني ولاناكراني

ولاحاسباني من الاموات

نفسي ابوح واشكيلك همي

واحكى معاكى كأنك أمي

كأنك روحى ونبضي و دمي

وانسي معاكي انين واهات

انا مشكلتى تملى معاكِ

لما بعوزك مش بلقاكِ

حتى فى فرحي بيحلى بكاكِ

دايما بينا فراق وشتات

ارجعي تاني ليا وعودي

خدي احزاني وردي ورودي

قبل مايخلص فيا صمودي

واصحى وانام على همي وابات!

#سميرمحمود

بيألمني صحيح بعدك ..... للشاعر سمير محمود

بيألمني صحيح بعدك

لكن هصبر

وطعم الحياة بعدك

بقى ممرر

مفيش قدامي غير صبري

وشعري وقلمي وحبري

ولو يخلص معاك عمري

ماهتأخر

واعيش ازاي انا بدونك

وانا كلك ومضمونك

وانا عاشقك ومجنونك

فمش هقدر

بلاش بعدك عليا يطول

بلاش قلبي عليك مشغول

ياريت تلقى لبعادنا حلول

بلاش نخسر

دانا مودع معاك روحي

غيابك زادلي ف جروحي

وخبيت ع الجميع نوحي

ياريت تحضر

#سميرمحمود

هيبة الصمت .... للشاعرة / منال نشأت ‏‎Manal Nashat Nashat‎‏.

هيبة الصمت

ألزمتني السكات

وقرار البقاء كلفني الصبر على ما فات

هيبة الصمت تحكي

وتروي حكايات وحكايات

لا يسمعها سواك وكنت تدعى الممت

فالصمت هيبة وكرامة أعظم من

الكلام والعتاب لمن يدعى البعاد

منال نشأت

حبك تفاصيل صغيرة ... للشاعر / بشير قادري

حبك تفاصيل صغيرة 

اغتصبي الفرح

ومارسي رقصتك الشهيرة

افترشي خواطري وأسفاري

واذكري كل التفاصيل الصّغيرة

هائم أنا ...

ومشاعري كالموجة الحقيرة

لا تهدأ ولا تستكين

تتجاذبها اللحظات المثيرة

دعي الأغاني تحرّكنا

تعيدنا لبدء الخليقة عرايا

  نخدش حياء المرايا

  أنت النّساء وانت القضايا

أحببتك من قبل ولادتي

من قبل الأنبياء

ومن قبل الجواري والهدايا

يا امرأة تخفي بعضي في بعضي

تسلّم للقهر شطري

وتحميني من المنايا

يا امرأة تسكنني

وتتنفس شعري

وتنثره فوق الحنايا

ابتدأ العمر بهذه الرّواية

وعصف الحبّ وصار غواية

لن أعاود هذا البوح

وهذه الخطايا

سأخرج لربوة الجزيرة

احتفي بأهازيج الصّبايا

بالسنونوة الجميلة

ولن أجهض حلم البداية

لن أقبع في الظّل

أشوش سكون الزّاويا

اتركيني لوحدتي

أرسم وجه الحَكايا

فحبّك من المطايا 

بشير قادري شاعر الواحة

يا زمانى ..... للشاعرة / أميمة قدور

يا زماني

يا زماني. (من وحي الصورة)

يا لقسوتكَ يا لأساكَ

في دروب القهر رماني

في ليالي الحرمانِ أمشاني

كم عانقت أحلامي

واستجديتُ خالقي ليرعاني

لكنّي أبحرت بأمواج الحياة وحداني

قطفت عناقيد الألم ازدادت جراحاتي

فوق جبيني حفرت السنين

معاناتي

و وجهي المتعب يخبركم

بأحزاني

أحمل للأطفال بعض آمالي

بعض ابتساماتي

ارسم بملاعب الأطفال

ألعابي أحلامي

أستعيدُ لحظات العمر الهارب ببعض هداياي

ياعمري يا زماني أعدني

صغيرة من تاني

أعد لي ولو ساعات

أو ثواني من عمري الماضي

يازماني

هل يبست سنابلي

وغربت شمس أيامي

لابأس إني أرى

في فرح الطفولة

عودة أجمل أيّامي

وأرى حدائق روحي

تزهر حُبّاً و أغاني ❤️

يارب ... للشاعر / حسن السحماوى

   يارب  

.......

يارب .. أنا صاحى ومن بدرى  

وأشهد لك .. بإنك لا شريك لك  

وفى مُلكك وملكوتك  .. تسابيحى  

تفرفط ع الخدود دمعى  

وتوبة فى تباريحى  

على صوت الأدان  

بتهز فى مسامعى  

وأنا طمعان على بابك  

فى أعتابك  

.ولاجل ماتوصل الدعوات 

فضلت اناجى وأترجى

تزيل .. همى  

ورافع وجهى للسموات 

بقول ... يارب  

........................ 

للشاعر / حسن السحماوى

عاشق متسول .... للشاعر الفنان / ابوالسجادالاكبرعلي

 عاشق متسول

انا عاشق

وعشقي بجنون

يتهموني بأني

عاشق متسول

بين الاهات والانين

انت سيدة قلبي

يسأل السائل ويقول

كيف عشقتها

وهي للحب مبهمة

قلت انها نعم مبهمة

كانها لوحة

من زمن الأساطير

رسمها فنان كان مغامر

ولم تكتمل ولكن

على جدار القلب جعلها

من قلب محب ينزف لونها

ومن الانين والاهات زخرفها

يسألون . كل من لايعرفها

كيف هكذا جعلتها

وعلى كل جدار وضعتها

نعم وضعتها

على كل جدران قلبي انها

تحفه وليست للبيع أعلنها

وفي جدار الصمت بصدري اخفيها

لايحول بيننا الزمان لاستضعافها

لا أراها طيف انها في خاطرتي تجول

اسألها فاذا انا هنا لما انت هناك

في سماء اللؤلؤات والمرجان

عاهدتك الوفاء

أنا وأنت وجدار الصمت بصدري

( حبيبتي هي التي .. كان )

( ..... اسمها ..... )

ً🇮🇶ابوالسجادالاكبرعلي 🇮🇶

احسن ختامنا يارب ..... للشاعر / محمود رجب

إحسن ختامنا يارب

واغفر لنا.. الذنب

احنا عبادك وحدك

وحب النبي ف القلب

احسن ختامنا يارب

احسن ختامنا وسامح

ايام ملهاش ملامح

الخوف والرعب واضح

واللي ينافق يتحب

احسن ختامنا يارب

احسن ختامنا جميعاً

واغفر لنا الزلات

سبحانه من طهرنا

وخرجنا م الازمات

احسن ختامنا يارب

احسن ختام الامه

وزيح وفك الغمه

إشفي اللي جاله الحمي

واغفر لنا اللي فات

إحسن ختامنا يارب

محمود رجب