ماتقدريش تبعديني عن حياتك
ماتقدريش تمحي كل زكرياتك
دا كل زكرى
ليا فيها الف قصة
وكل بسمة
مرسومة في قلبي رسمة
فازاي بقى هتبعديني
وانت روحي وضي عيني
بعدي عنك زاد يقيني
انك ف يوم راح تجيني
صدقيني حبي ليكي مش حكاية
حبي ليكي الف قصة تنكتب مليون رواية
حبي ليكي كان احلى غاية
دلوقتي جايه وتبعيني
وعن حبك تبعديني
طب صدقيني
عمرك ما هاتقدري تبعديني
دانا الضحكة اللي ف شفايفك
انا الدمعة اللي في عنيكي
انا اللمسة اللي في ايدكي
انا اللي لو غمضتي عينك
بتشوفيني
فازاي بقى راح تبعدني
طب أقولك
تيجي نبدأ عهد تاني من جديد
واوعدك كل يوم يجي علينا يبقى هو أحلى عيد
ياحبيبتي انتي كل حاجه ليا
انتي روحك ساكنة فيا
انتي البسمة اللي راحت
وانتي الفرحة اللي جايه
انتي عندي مش حبيبتي
ولاحتى امي ولاّ اختي
انتي نبضي انتي دمي
انتي بنتي حاجه اكبر
من حبيبتي
مش هسيبك تبعدي
ومن حبي تهربي
لو بإيدي احبسك
جوا قلبي متطلعيش
لأني بصراحة لوبعدتي
عني مش هقدر اعيش
فاوعديني انك انتي ماتبعديش
وما يغركيش
اني بقولك ماتقدريش
لأني عارفك
إن القسوة طبع قلبك
بس عشمي فيكي مابينتهيش
افتكريلي زكرى حلوة
وياها نبتدي وماننتهيش
فا متبعديش
أحمد سليم
ليست هناك تعليقات:
إرسال تعليق