(حلقات عمى المسحراتى )
٠************************
إصحى ينايم ليلك ويومك
أهجر سريرك سلح إيمانك
صلى قيامك حصن صيامك
رب البرايه كرم جنابك
وبعت نبيك رحمه عشانك
وشهر الصيام علا مقامك
غفران ورحمه بركه ف نهارك
من غير كلامى أوم عد مالك
رشد الملايكه حافظين صوابك
إعمل حسابك عفوه يصيبك
رمضان سرقنا عدا وسبقنا
فات أسبوعين كانوا من يومين
بنقول هلاله هالل عالينا
أتريه بيجرى ولا حد يدرى
شاهد معانا ولا علينا
سلامات ياغالى عديت ثوانى
كالنسمه طاير يابو الهلايل
رمضان يا ساكن روحى وكيانى
أرجوك آنسنا طول اليالى
إحنا فى رحابك عاشقين صيامك
ولعلم نورك عارفين شعورك
خليك معانا دا الشوق رمانا
ياشهر أعظم من ألف ليه
وليله فيها أنعم كثيره
يعادلها ربك بسنين طويله
يارب قدرك ينزل علينا
ساعة إجابه فى أحلى ليله
ترضى عبادك وحيات نبينا
همشى ف شوارع كل المدينه
وبعلو صوتى هفضل انادى
إصحى يانايم واحد الدايم واحد الرزاااااااق
تنتى تن تن تن رمضاااااان كاااارييييييم
****************************
بقلمى عادل دبل فى / 14 / رمضان /2019
ليست هناك تعليقات:
إرسال تعليق