قول اللى تقولو...وما تخافشى
من سهم الحُب اللى ف رمشى
بس اوعى تقول...... إنك عاوز
تبعد عن قلبى اللى ما نامشى
قول اللى تقولو........ وهتحمل
تكدب على قلبى....... وتتجمل
ما انا قلبى هواك .من عامنول
يا ابو رمش بيجرح ..وبيمشى
قول اللى تقولو ...وهات ايدك
وتعالى نزور .....حُضن وريدك
واحلف له ياروحى انى بريدك
ونقول له...... ليه ما بيسألشى
قول إنك ...... عاوز تصالحنى
وعيونك........... عاوزه تِفَرحنى
وانك.. مش ممكن..... تجرحنى
وكلام عُزالى .......ما همكشى
قول اللى تقولو ..يا روح قلبى
واسمع.. لدموع ..عينى وقلبى
ما انا قلبى هواه تفضل جنبى
وتحس بنبضه اللى ما نامشى
قول إنك .....مش ممكن تانى
تنسانى .........لو حتى ثوانى
وانك.. مخلوق..... بس عشانى
وانك..على بُعدى.. ما تقدرشى
**************
رضا أبو الغيط
ليست هناك تعليقات:
إرسال تعليق