رمضان عالباب
بتجهز ليه إزاي؟
بتجيب التمر
والقمر الدين
وزبيب وقطايف وكنافه
شراشيب
فوانيس وسط الشارع
رمضان من اول يوم ضايع
طول ما انت عينيك
راشقين ف الشات
وتكلم للفجر بنات
ومسلسل يُشبك ف التاني
ومقالب للضحك يا صايع
رمضان من اول يوم ضايع
رمضان مش ضحكه وفزوره
ولا سهره ورقصة تنوره
معروف رمضان انه يجمع
أحباب المسجد ف الصوره
رمضان تراويح
وذكاه وصيام
احساس بفقير
مش لاقي القوت
كسوة عريان
أو سقف بيوت
رمضان بينقي الحلو يموت
قادر يا كريم
تجعلني من الحلوين دايما
ويارب ما اموت
غير لما انول عطفك ورضاك
رمضان عالباب
جهز دعوات نفسك فيها
صالح نفسك
صفي النيه
اركن على جنب الأغنية
شغل قرآن
واسمع واقرا بس بقلبك
قرب لله بيْكَفي البعد
راجع نفسك وإلزمها بوِرد
يشفعلك يوم عند حبيبك
ربك اقربلك بكتير
من نفسك
من حبل وريدك
ليست هناك تعليقات:
إرسال تعليق