- كابتن محمود الخطيب .. سمعته بيحكي إنه راح هو وأصحابه يزوروا الشيخ الشعراوي .. فقال موقفين .. هقولكم منهم واحد .. الخطيب بيقول إنهم أكلوا عند الشيخ, و كان هو اللي بيخدم عليهم رغم كبر سِنه .. فلما حسوا إنهم تعبوه وطولوا قالوا هنمشي .. ف الشيخ خرج يستقبلهم عند الباب وكان واقف بيسلم عليهم نفر نفر .. الخطيب بيبص علي الشعراوي لقاه باين عليه الارهاق والتعب فقعد علي كُرسي جنب الباب, وكان الخطيب هيخرج آخر واحد واللي قبل الاخير جه يمد إيده للشيخ ويسلم قبل ما يمشي .. فـ الشيخ مكانش قادر يقف فقام ماسك إيد الشخص اللي بيسلم عليه وباسها ! وقاله : دي بدل وقوف يا إبني .. مش قادر اقف أسلم عليك هبوس إيدك تقدير ليك .. الخطيب بيقول : أنا إتصدمت من أدب الشيخ وإحترامه وإن شخصيه عظيمه زيه يبوس إيد شخص مننا بس لأنه مقدرش يقوم يسلم عليه, فالخطيب بيقول طبعًا وأنا خارج مرضتش أمد إيدي وأسلم لأني خوفت يبوس إيدي أنا كمان فمسكت راسه وبوستها وودعته ..!!❤
- زي ما الفوار بيهدي أي حرقان في الصدر ..
- زي ما اللحاف الفيبر بيدفي الواحد في عز التلج اللي إحنا فيه ده ..
- زي ما شوية البنزين من غيرهم العربيه تقف وبيهم بتمشي ..
كذلك التقدير .. بيهدي أي مُشكله .. بيدفي العلاقات ويحتويها .. بيمشيها ميوقفهاش .. عُمرك كتبت بالجاف علي ورقه وعرفت تمسحه ؟ التقدير برضه مبيتمحسش لأنه بيعلم بالجاف في قلب اللي قدرته .. ضحكه لإبنك وهو بيذاكر وقوله " ربنا يوفقك " إنت كده قدرته .. تكلم صاحبك أو مراتك او تكلمي صاحبتك وإنتي بتبصيلها مُش بتبحلقي في التليفون ده برضه تقدير .. جوزك داخل عليكي ولو بكيس عيش تطبطبي علي صدره وتقوليله الله مايحرمنيش منك .. تقول لصاحبك الطقم اللي عليك شياكه .. إتأخرت علي ميعاد مفيش مشكله إعتذر .. ساعتها هتطفي نار الزعل في قلب اللي قدامك لأنك قدرته .. ياخي حتي وإنت معدي الطريق هتلاقي عربيه بتهدي واللي فيها بيشاورلك ويقولك عدي .. بيقدرك .. قدره إنت كمان وارفعله إيدك وابتسم وقوله شُكرًا .. ساعتها هيكررها مع غيرك .. قوم إعمل لنفسك شاي وقول لمراتك الصُبح : محبتش أصحيكي لأني حسيتك همدانه .. هتفكرهالك .. حتي ربنا سُبحانه وتعالي بيحب العبد اللي بيقدَر فبيقول : لئن شكرتم لأزيدنكم .. قدر النعمه وإشكرني ساعتها هزيدك .. فعلاً رجاله وستات مستعدين يشقوا ليل نهار وينسوا اي شيء بيبذلوه مقابل كلمة تقولها الست لراجلها " دنا غرقانه في خيرك وعايشه بحسك " و الست كذلك مُش مستنيه تقوم تاخدلها الهدوم فومين, مستنيه بس تقولها الشقه متروقه وآخر جمال .. الهدوم نضيفه تسلم إيدك، تطيب خاطرها بحُضن دافي وبوسه علي دماغها وتقول بحبك يا ست الناس ياسنداني .. وبس ..
شكسبير بيقول : لا تُبادلني الإهتمام فقط أقنعني أنك تستحقه !
- زي ما اللحاف الفيبر بيدفي الواحد في عز التلج اللي إحنا فيه ده ..
- زي ما شوية البنزين من غيرهم العربيه تقف وبيهم بتمشي ..
كذلك التقدير .. بيهدي أي مُشكله .. بيدفي العلاقات ويحتويها .. بيمشيها ميوقفهاش .. عُمرك كتبت بالجاف علي ورقه وعرفت تمسحه ؟ التقدير برضه مبيتمحسش لأنه بيعلم بالجاف في قلب اللي قدرته .. ضحكه لإبنك وهو بيذاكر وقوله " ربنا يوفقك " إنت كده قدرته .. تكلم صاحبك أو مراتك او تكلمي صاحبتك وإنتي بتبصيلها مُش بتبحلقي في التليفون ده برضه تقدير .. جوزك داخل عليكي ولو بكيس عيش تطبطبي علي صدره وتقوليله الله مايحرمنيش منك .. تقول لصاحبك الطقم اللي عليك شياكه .. إتأخرت علي ميعاد مفيش مشكله إعتذر .. ساعتها هتطفي نار الزعل في قلب اللي قدامك لأنك قدرته .. ياخي حتي وإنت معدي الطريق هتلاقي عربيه بتهدي واللي فيها بيشاورلك ويقولك عدي .. بيقدرك .. قدره إنت كمان وارفعله إيدك وابتسم وقوله شُكرًا .. ساعتها هيكررها مع غيرك .. قوم إعمل لنفسك شاي وقول لمراتك الصُبح : محبتش أصحيكي لأني حسيتك همدانه .. هتفكرهالك .. حتي ربنا سُبحانه وتعالي بيحب العبد اللي بيقدَر فبيقول : لئن شكرتم لأزيدنكم .. قدر النعمه وإشكرني ساعتها هزيدك .. فعلاً رجاله وستات مستعدين يشقوا ليل نهار وينسوا اي شيء بيبذلوه مقابل كلمة تقولها الست لراجلها " دنا غرقانه في خيرك وعايشه بحسك " و الست كذلك مُش مستنيه تقوم تاخدلها الهدوم فومين, مستنيه بس تقولها الشقه متروقه وآخر جمال .. الهدوم نضيفه تسلم إيدك، تطيب خاطرها بحُضن دافي وبوسه علي دماغها وتقول بحبك يا ست الناس ياسنداني .. وبس ..
شكسبير بيقول : لا تُبادلني الإهتمام فقط أقنعني أنك تستحقه !
ليست هناك تعليقات:
إرسال تعليق