تاريخك اغنية
تاريخك اغنية ولحن عاش مكتوب
بتحبي الملاغية ومدوبانا دوب
في عز الشقا بنفرح ونغني
اصلك اصيلة متعرفيش هروب
.........................................
ولادك في الميدان وراسك مرفوعة
راسمين علي الحيطان عروسة مخطوبة
لابسة ومتحشمة وعفتك تاجك
طالبين حبل الوداد ولا ناوي علي توبة
....................................
يامصر فيكي الامل بيسكن كل بيت
والحلم حا يكتمل يابطلة الحواديت
في جوامعنا وفي كنايسنا فريضة نصليها
في نضالنا وفي لمتنا والكل يقول ياريت
......................................
ومهما طال الامل هيكون حقيقة
والمايلة تنعدل ترجع ضحكة بريئة
وتبقي تاج البلاد ونحيا بامجادك
يامصر ولادك اسود ماتعرف الضيقة
.......................................
تاريخك اغنية ولحن عاش مكتوب
بتحبي الملاغية ومدوبانا دوب
في عز الشقا بنفرح ونغني
اصلك اصيلة متعرفيش هروب
خالدالمنصوري
ليست هناك تعليقات:
إرسال تعليق