تهنئة للشاعر الكبير الأستاذ / رضا ابو الغيط
لنشر قصيدته بمجلة الكواكب
.......................................
اللى بينى........ وبين بلادى
شيئ طبيعى... وأمر عادى
يعنى عادى...... ألقى نورها
جوه شريانى......... وفؤادى
والطبيعى......... أبقى نيلها
وابقى فرحة طرح خيرها
وان ف يوم طلبت أشيلها
نن عينى....... يبقى راضى
أمر عادى............ أبقى ليها
كحله...بتكحل .....عينيها
وأبقى... حٍنتها ..ف ايديها
والسنابل........ ف الأراضى
والطبيعى....... أبوس تُرابها
وأبقى نخله تطول سحابها
وأبقى واحد...... من شبابها
تحت بابها......... ألقى زادى
أمر عادى...........يبقى همى
تبقى..... أم الدنيا........ أمى
دى اللى واهب.....ليها دمى
لو ف يوم غارروا الأعادى
والطبيعى.......أحضن عَلَمْها
وأبقى ف شموخها وكرمها
وان لقيت....... واحد ظلمها
مش هسمى عليه ..وأدادى
أمر عادى........ يبقى شٍعرى
للى واهب .......ليها عُمرى
واللى خيرها.... تحت أَمرى
قبل ما أطلب ......أو أنادى
والطبيعى.......... أتغنى بيها
وأبقى ..........عزالتَمْر ليها
وان باعتنى.......... هشتريها
مين حبيبتى..... غير بلادى
أمر عادى.......... الحُب بينا
يبقى تاج... ع الراس يزينا
والطبيعى........تقول عيونا
مين ف حُسنك ...يا بلادى
******************
رضا أبو الغيط
ليست هناك تعليقات:
إرسال تعليق