............. حرف ورد بين ...........
سفيرة المحبة : الاديبة والشاعرة :
إيمان ذهني Iman Zohni
............. و.................
،،،،،،،،،عونى هشام ،،،،،،،،،،،،
_____&______
إيمان ....
عندى أمل ان القلم يكتب حروف
فيها السعادة والهنا من غير كسوف
قول لحبره ينكسف وبلاش ملام
يكتب حروفه بالفرح من غير خصام
..................
عونى هشام
عندك أمل عندى أمل
نمسك قلم نكتب حروف
تقوى عزم نزيد عمل
نفرح ونبنى بدون كسوف
ننسى اللى راح
وننادى حى على الفلاح
ندعى البشر نزرع شجر
نرصف طريق نردم حفر
ونغنى على دق الدفوف
.............
إيمان ....
عيش الأمل وانسى الهموم
وأنسى مشاكل كل يوم
وأوعى تطاطى للزمن
خالى حزنك ذكريات
وانسى أى هم فات
وتعالى نضحك من جديد
ونخلى افراحنا ف عيد
................
عونى هشام
من غير أمل ازاى أعيش
بالعزم أزرع خبزتى
الهمه عندى ما تنتهيش
راسم طريقى بخطوتى
وسلاحى دينى ما تخافيش
راضى بنصيبى وقسمتى
لو حتى توبى برش خيش
.................
إيمان ...
ممكن نرجع السنين بفرحنا
ونخلى أيامنا اللى جاية
لون قلبنا
عيش حياتك من جديد
ابتدى عامك سعيد
ارسم الفرحة ف قلبك
حب نفسك
طلع الحب اللى فيك
خالى احساسك ماليك
..............
عونى هشام
اللى كان عمره ما كان يرجع ولكن
يكون أساس نبنى حلم بشوق إليه
التاريخ ومحفور معانا وله أماكن
وذكرياته ف دمنا والزمن شاهد عليه
واحنا النهاره بعلمنا وإيد بإيد
نعلا ويفرح شعبنا ونتحامى بيه
..........
إيمان ...
إحنا سوا مع بعضنا
نقدر نغير نفسنا
بإيمانا نضحك للحياة
ونعيش في جنة ربنا
نعيش ف جنة ربنا
...........
عونى هشام
واحنا سوى
نفتح كتاب نقرا سطور
نرجع زمان راح مننا
ونبنى بالعزم الجسور
نحرت ونزرع أرضنا
ونعيش فى نور
ساعتها يقوى عزمنا
ونعلى راسنا بدون غرور
...............
إيمان ...
الله على روح الإيمان
لما سكن فى قلبنا راح الشيطان
خلى الهموم اتبدلت بكتير
أمال
خلى الهموم اتبدلت بكتير
أمال
...............
عونى هشام
الله على روح العمل
من غير كسل
تلقى المشاعر جوه منا
بشوق وصل
تشوف المصانع والمزارع
فيها جهد بدون كلل
تلقى الهموم اتبدلت
وفى قلوبنا حلم معاه أمل
..........
إيمان ..
ياللا سوا مع بعضنا
نزيل ألامنا وهمنا
بإيمانا نضحك للحياة
ونعيش ف جنة ربنا
...........
عونى هشام
ياللا سوا مع بعضنا
نمسح عفار تركه الزمن
نعلا ويكبر حلمنا
ويرجع ضمير صابه العفن
ويرجع ضمير صابه العفن
=========
تقبلوا تحياتنا
أ . ايمان زهنى
أ.عونى هشام
ليست هناك تعليقات:
إرسال تعليق