بعد الفراق بعد الأشواق
بعد ما قلبى لهجرك داق
بعد ماسيبتى الروح ب تعانى
بعد ده كله ليه عايزانى
ارجع تانى ليكى اشتاق
بعد ماسيبتى القلب ف حيره
وكاتم نفسى ماجبتش سيره
ولا مره بليت الريق
وسط بحورك قلبى غريق
غير الوحدة وغير الضيق
كان لازم اختار لى طريق
كنت عشانك ب اسهر ليلى
كنت ف قلبى تمللى دليلى
وإنت ب تهجر قلبى وتنسى
عمر ماشوفت لبحرك مرسى
طب ليه أصدق تانى تجيلى
انت خلاص بقى قلبك قاسى
كل ما اسامحك تصبح ناسى
خاين ليه قلبى واحساسى
روحى ب تطلع مع أنفاسى
لما خيالك يجى ف راسى
شق طريقك امشى لوحدك
قلبى خلاص أتعود بعدك
عمرك يوم ماوفيتلى بوعدك
ماتخليش أحلامك تاخدك
قلبى انا بعدك قفل الباب
ليست هناك تعليقات:
إرسال تعليق