لما لقيتك
..............
لما لقيتك واقفه وحيده
والسكه لخطاويكي بعيده
قولت اجرب امشي معاكي
قلبي اتهني وطار في سماكي
ماهو عرف الحب علي أصول
واتمناكي تمشي علي طول
لما ارتاح وداب في هواكي
حبك في القلب مجنني
يالي ساكنه الروح والنني
عاشق صورتك لما عرفتك
ولا جمال بعدك يعجبني
لما لقيتك روحي ابتسمت
وخطوط حظي معاكي اترسمت
صبني الفرح لحد الصبح
أحلي مابينا الضحكه اتقسمت
سعد حماد
ليست هناك تعليقات:
إرسال تعليق