وخلصت خلاص ما بينا الرواية
وح أكتب بدمعى بداية النهاية
لو إنى معاك لو إنك معايا
لكنى ما حاسة بطعم الحكاية
تدارى هواك وأدارى هوايا
وخوفك مسيطر عليك م البداية
حبيبى هوانا دا أصله دعاية
لكل الأحبة تشوف لهنايا
يا أغلى ما ليا وكل منايا
هواك إللى علا الأمانى فى سمايا
وأصبح لى قربك حقيقة وغاية
وكنت باغنى وتسمع غنايا
وكان التمنى أكون لك مرايا
تشوف قلب عاشق بكل الحنايا
وفجأة لقيتنى بقيت م الضحايا
وقلبك رفضنى وباع لهوايا
عشان حب تانى ظهر فى الخفايا
فقلت ليه أشكى وأدارى بكايا
ح أبيعك ما دمت عرفت النوايا
وح أرمى بحبك فى كل الزوايا
وخلصت خلاص ما بينا الحكاية
.....................
للشاعرة / بتول العتربي
ليست هناك تعليقات:
إرسال تعليق