شئ فظيع
النهاية شيء فظيع
أنك تغرق أو تضيع
أو تحس بحب غالي
ضاع منك وسط الليالي
وتحس بشتاء وخريف
وأنت في عز الربيع
النهاية شيء فظيع
شيء فظيع
لما ترجع يوم لنفسك
وتحس أني انت اللي
حبسك
وتحس وأنت في بداية
الحياة
أن العمر فى منتها
وتبص فجأة تلاقي
نفسك
أنك بقيت انسان وضيع
النهاية شيء فظيع
شيء فظيع
لما تنهش لحم غيرك
وتحلل أكل الحرام
ويموت جواك ضميرك
وترضي نفسك بالكلام
وتبقي زي خيال مئاتة
إنسان ملية التباتة
ياللي بتنهش لحم غيرك
اصحة فوق صحي ضميرك
قبل ما الوقت يضيع
دي النهاية شيء فظيع
شيء فظيع
.............................
للشاعر / سيد كامل
ليست هناك تعليقات:
إرسال تعليق