غرام الأفاعى
كتبها خيرى صابر
من زمان انا كنت حاسس من زمان
إن انا جوه قلبك ما ليش مكان
والخيانه من عينيكى انا شوفتها
صدقينى عمرى ما اديتك أمان
كنت عارف ان حبى عليكى هاين
واللى سيبتينى عشانه برضه خاين
انت انسانه ومعدومة الضمير
والكدب واضح من عينيكى وباين
لما ف يوم خدعتى قلبى وكان برئ
قولت اسيبك واحنا فى نص الطريق
بس المفاجأه انك مع صاحبى تخونيى
وخليتينى فى لحظه اخسر أعز صديق
فى البدايه كنت فاكر انك حبيبتى
كنت اشوف الدنيا ضلمه لو انتى غيبتى
وافتكرت انك ملاك بالحب جانى
وانتى حيه مع تعبان اتفقتى
ابعدى عنى سمومك ابعديها
لسه عايش فى همومك لسه فيها
والخيانه اللى فى طبعك
ابعدى عنى وخديها
كلمه هقولهالك واسمعينى فى وداعى
انتى حبك من البدايه مالهش داعى
اللى زيك يلزمه تعبان يحبه
اما انا ماليش فى غرام الأفاعي
أبو ياسين الجار الله
ليست هناك تعليقات:
إرسال تعليق