يا منية القلب
كلام الأحبة غِذا بيرد فيه الروح
بينعش القلب و يداوى كل جروح
يا منية القلب طلى و اسمعى للبوح
ملكتى كل القؤاد ساكنه الحشا جوه
و انتى الدفا و العفا و القلب من جوه
شوقى اليكِ زاد و شوقى مشتاق لك
طال الغياب يا قمر قلبى بيندهلك
يا قرة العين بحورك فين دلينى
اطوف كل البلاد و اجيلك على عينى
ولو طويت الأصابع غرامى بيكى خمس
اولهم ان الكلام بينى و بينك همس
و التانى قلبى متيم .. بغرام كأنه لمس
التالت غمسنى الهوى فى حلو بحرك غمس
رابع هوى ما هويت غيرك يا أحلى امس
حبك دا سر الغرام . سرك سرى فى الدم
اول ما بسمع لصوتك بيروح منى الهم
ادوب و عمرى ماتوب . حبك فى قلبى جم
فى عنيكى سحر و هيام و النظره تسكرنى
همسك و لمسك حنان .. دافى بيأثرنى
يا منية القلب حلمى .. يكون جنتى حضنك
يسعد فؤادى و روحى تحيا . بدقه من قلبك
و الله يا نور عيونى سهران مشتاق لك
راح من عيونى النوم و انتى على مهلك
يا مالكة قلبى حنى على سنى
اطوى دروب البعاد و قربى منى
دوسى على كل صعب . لو تركبى جنى
بقلم سيد النحاس
ليست هناك تعليقات:
إرسال تعليق