عم سلامة..
مبتسم
والضحك عالي.. والهنا ضيف الليالي..
واللي شافه.. واللي عرفه..
راح يقول القلب خالي..
هو ده عمك سلامه.. والله لو
قامت قيامة.. ضحكته ما تسبش وشه..
وتفرده بمليون علامه..
عربجي لكن حكيم.. وحرفته الرأي
السليم.. ولو سألته : أزاي
حالك؟! .. راح يقول الحال عظيم..
طول م بنتي البت لوزة..
راضيه جوزها ف الف عوزه.. وهو ومعاها
كريم.. يبقي كله ف السليم..
أصلي عايش لجل لوزه..
وبالكتير أرص جوزه..
وروح أوصل ست روزه. . لأبنها
الأستاذ حليم.. ست غاويه
العربجيه.. أقصدي تهوي
الأنتكات.. وياما جابوالها
عربية.. كت تسبها تقولي
هات.. هات ياواد العربية..
وشغل الغنوه اللي هيه..
قصدها "راحوا الحبايب" ..
بتاعة أخونا عدويه!!..
هي تسمع وانا أبكي..
بعد فقدي للولية..
كت مريضة وحالها مايل..
بس انا سويت هوايل..
لجل تشفي.. وكنت أحايل..
الجيران عشان سلفية..
لكن المكتوب ده كان..
وفلسعت مني حنان.. وعشت
محروم الأمان..
. الحياة صبحت صعيبه..
وكل صاحب.. كل جار.. يشتكي
حاله لغيره..
والغلابه ف كل دار!!..
بس بضحك.. أيوه بضحك.. م
انا ماضحكشي أموت..
مش كفاية تعب قلوبنا..
واللي علمنا السكوت..
برضه ح اضحك..
برضه ح اضحك.. حتي لو كنت بموت..!!.
ليست هناك تعليقات:
إرسال تعليق