شغلت البال
.............
ياللى شغلت البال ومتابع
روحت وقلت انك مش راجع
مهما تغيب عن عينى وتبعد
بعدك زاد فى القلب مواجع
خليت قلبى يعيد حساباته
كان متمسك بيك لمماته
روحت وقلت ياناس عدولى
فاكرك دايما ونسيان ذاته
مهما هاتبعد ولاتقرب
قلبى خلاص مابقاش مستغرب
بعدك عنى مهما يصبنى
راح تفضل فى عينى الاقرب
اتعودت خلاص على بعدك
مهما تمر الايام بعدك
سايب القلب مشغول ويعانى
كان نفسى تعاهدنى واعاهدك
القلبين اتواعدوا زمان
وانت فطمته على الحرمان
خليته تعبان وحزين
داير يشكى فى كل مكان
اشكى ياقلبى وقول شكواك
خلى الكل يحكوا معاك
ياما حايلته واترجيته
انه يعود تانى لهواك
ولا كان يسمع ولايشوف
قلتلوا والله اعمل معروف
ليه تظلمنى وتحيرنى
وتخلينى عليك ملهوف
اه من بعد عذابى معاه
واغلبت احايله واترجاه
كان يعمل فيها مش سامع
انا اللى قلبى احتار وياه
قلت اريح قلبى واسيبه
ولاعاد ينفع تانى حبيبه
بكره يندم هو ياقلبى
وان ماكنتش انت نصيبه
راوية حسن
ليست هناك تعليقات:
إرسال تعليق