تحيا مصر......... ف القلوب
شمس...... ما تعرف غروب
واللي داب ف الحب دوب
يعرف ايه ...تبقى لنا مصر
تحيا مصر ....ف كل حين
اسم مكتوب ....ع الجبين
واللي آمن.............. بالأمين
يعرف ايه.... تبقي لنا مصر
تحيا مصر ........ام الرجال
م الجنوب ... حتي الشمال
واللي عاشق........... للجمال
يعرف ايه.... تبقي لنا مصر
تحيا مصر......... ام الحُسين
فاتحه بابها........... لكل دين
واللي............... ايمانه متين
يعرف ايه..... تبقي لنا مصر
مصر ...........قبله للجميع
للي شاب ......قبل الرضيع
والخريف.......... قبل الربيع
يعرف ايه ...تبقي لنا مصر
مصر بينا ........ مصر لينا
رملها ........حنه ف إيدينا
واللي شاف... خيرها علينا
يعرف ايه.... تبقي لنا مصر
تحيا مصر......... بدر ساطع
ع المزارع .. ... والمصانع
والكنايس ....... والجوامع
تعرف ايه.... تبقى لنا مصر
تحيا مصر... وتحية ناسها
عايشه دايما رافعة راسها
والقمر.... وعيون شموسها
يعرف ايه... تبقى لنا مصر
تحيا مصر .....ونحيا ليها
قلب نبضه .......بيناديها
واللى عدا ......يوم عليها
يعرف ايه.. تبقى لنا مصر
تحيا مصر..... بقلب جامد
قالها شعب ....وهو صامد
واللى راكع ..واللى ساجد
يعرف ايه تبقى لنا مصر
تحيا مصر ... ام الصبية
والشهامة .... المية مية
واللي داق........ مية بهية
يعرف ايه تبقى لنا مصر
تحيا مصر ام الحضارة
والفنون... جنب العمارة
واللي زارها لو زيارة
يعرف ايه تبقى لنا مصر
تحيا مصر ألف مرة
ارض طاهرة إرادة حرة
واللي سافر منا برة
يعرف ايه تبقى لنا مصر
رضا ابو الغيط
ليست هناك تعليقات:
إرسال تعليق