أنا فيلسوف
أنا فيلسوف منقوع فى أم الفلسفه
يامبدعين الكلمه فوقو وصحصحو
الكلمه لو م القلب مش متكلفه
هتخشو قلب الخلق وكمان تمرحو
أنا فيلسوف الغلبانيين الشقيانين
اللى بعرقهم جعلو أرضك ترتوى
أنا نجم بينور طريق المقهورين
ف احذر تكون ف الحق إنسان منطوى
أنا فيلسوف
رغم إن شكلى يبان حويط
بركن مشاكلى على الرفوف
ومليش ف تسقيف الكفوف
ولا كنت طبال ع الدفوف
ولا عمرى بلعن فى الظروف
ولا قلبى حس ف يوم بخوف
ممكن أكون فى الفلسفه أوقات بليد
لكنى عمرى ماكنت يوم إنسان سليط
أنا فيلسوف
الفلسفه مش بس قول
الفلسفه فكر وعلام
علشان تفلسف ع العقول
محتاج ل قواميس م الكلام
يامفلسفين الكلمه حطينها فى أطار
الكلمه كرباج يلسعك ممكن بسوط
أوقات كتيره الكلمه بتعوز ألف زار
لجل اما تطلع تنكتب فوق الخطوط
احمد عمر
ليست هناك تعليقات:
إرسال تعليق