(بكاء وحنين)
_________
ليه بتبكي ياضي عيني
ليه دموعك ع الخدود
لو ياغاليه شيء بايدي
كنت اخطي لك حدود
تطلبي مني اكون
جنب منك ده جنون
القدر فرق مابينا
والحياه بعدك تهون
لو تقولي هاسمعك
لو عايزه عمري
أنا اوعدك
ولو تطلبي مني الوداع
أبدا لايمكن اودعك
صوتك دا لحن ملائكي
عشقته ياروحي الودان
رسمك جميل ماأروعك
سبحان من سوي الجمال
روحي وروحك في الهوا
عاشواحياري سنين طوال
يفتشوا سوا على الهوي
ويرسموا لبعض الآمال
وسط الزحام تاهوا
من بعض
واللقاء أصبح محال
اه من اللقا بعد السنين
فجر في لحظه واحده
بركان الحنين
فتح عيون قفلت
وهيه بتنعي حظها
للنجوم السهرانين
ليه العتاب ليه الملام
الوقت مايفيد الكلام
هاتي عيونك في العيون
وابعدي عني الظنون
وامسحي كل الهموم
بلمسه من ايدك اوام
ياله ربيع العمر عدي
و فات من زمان
والخريف اهو جه
وسيطر ع المكان
وانا وانتي عشنا سوا
نطلب ولو لحظة امان
__________
شعر / طلعت مجاهد
ج مصر العربيه أجا دقهليه
ليست هناك تعليقات:
إرسال تعليق