يا النَّهار يا ابو دَمعة جارية
على الخُدود والناس نِيام
الجِراح أوجاعها سارية
والحِكَم صَبحِت كلام
كلُّه مشغول فِ الِّلي صابُه
والِّلي صابُه قانون علينا
يشتكي ازايّ من صِحابُه
مَا الِّلي فيهُم كالِّلي فِينا
كُلِّنا فِ الهَم واحِد
غرقانين والمُوج واخِدنا
والِّلي كان يوم فينا جاحِد
كان جُحودُه زمان كَعيدنا
كان يادوب بيمِد إيدُه
عَ الِّلي تايه من متاعنا
النَّهاردا ظُلم سيدُه
عادي.. ما يهموش وجعنا
نِتوِجِع والظلم طايح
في العباد وعيونُه قارحَة
من جميع لابواب يجيلَك
نارُه جُوَّا قلوبنا سارحة
النَّفس محسوب علينا
الابتسامة بقِت جِناية
كلُّه يقفِل بُقُّه خالِص
ما تقولوش إيه الحكاية
ليست هناك تعليقات:
إرسال تعليق