أحلى كلام
*********
فى الشعر هاقولك أحلى كلام
تسمعه منى ابدا ماتنام
طب جرب حتى واسمعنى
سمعنى كلامك. وقولى تمام
راح اقولك احلى واغلى كلام
والمحروم منه يقول ياسلام
ده كلامى عشانك انت وبس
يوصفلك حبى واحلى غرام
تقدر فى يوم ماتسمعنيش
انى بحبك ولابتقوليش
كنت ساعتها. ازعل منك
واقولك روح ماتكلمنيش
طيب ماتقول. وتسمعنى
ده كلامك حلو بيعجبنى
وانا اقولك احلى. كلام يتقال
و كسوفى هو اللى. مانعنى
انا كل كلامك صدقته
ومادمت انت كمان قولته
انا اسمعه منك. وبقلبى
وبقلبى كمان انا. جاوبته
ازعل منك يوم. ماتجينى
وتقولى ياحبيبتى. انسينى
انساك ازاى وانا قلبى معاك
على فين هجرك هايودينى
اياك تبعد عنى ياغالى
ده وجودك جنبى. بيحلالى
ولا اقدر ثانيه. ابعد عنك
قربك ليه كل امالى
قولى كلام حلو وفرحنى
ياحبيبى اياك تجرحنى
جرحك هايعلم على قلبى
قلبى فى الحب. مريحنى
راح امد ايديا واجيلك
وكلام انا بدى. احكيلك
اسمعنى من غير ماتمانع
تلاقينى بقيت ملك لايدك
اديتك حبى. وايامى
خليك كده دايما قدامى
ماتغبش عن عينى ثوانى
ياحبيبى وفارس احلامى
وانا قولت اناحبيتك الاول
نفسى حبنا بس. يطول
ولاحد يفرق ده مابينا
حبيتك انا من عمنول
انا عارفه انك ناسى واهلى
وقولت حبيبتى وتستاهلى
وانت كمان. تؤم روحى
ياسلام لو تيجى. وتندهلى
اه يانا منك. واه يانا
عمرى ماراح اعمل زعلانه
حبك دايما بيطمنى
ولاعمرى. اعمل تقلانه
طيفك جه زارنى فى منامى
اسعدنى وجمل. احلامى
ياما اتمنيت تبقى. حقيقه
افتح عينى. الاقيك قدامى
حنروح على الجنه ونسكنها
ونكونوا اول. سكانها
واللى يشوفنا كمان يحسدنا
على اجمل. حاجه بنعملها
بتقولى انى. راح اصدك
ازاى وانا. اتمنى قربك
ماتقولش اى كلام تحكيه
انا عمرى يوم. ماابعد عنك
**********
راوية حسن
ليست هناك تعليقات:
إرسال تعليق