أنا بلياتشو عشانكم جيت
ألعب واتشقلب ع الحيط
كل دموعي هناك ف البيت
واعمل فيها سعيد ومزقطط
ورقصتلكم اهه وغنيت
ورسمت الألوان علي وشي
واقصر واطول واشفط كرشي
حطيت المسكرة علي رمشي
واعمل قرد وكلب مقطقط
وانصب سيرك ولو علي نعشي
طفل صغير. كهل عجوز
ست تخينة ولاوية البوز
شابة جميلة كله يجوز
باعرف اضحككم مع إني
عمري ماكنت ف يوم اراجوز
ممكن يبقي الشعر طويل
واحلق زيرو واركب ديل
والبس جيبة مع البناطيل
لو حبيتوا كمان راح اغني
بس ياناس ليه حظي قليل
ليلي نهار سهران محبوس
لما تشوفني تقول ملبوس
باعمل جن وبادي دروس
كوميدي وعمر ماشفت البسمة
فوق الصعب عشانكو بادوس . .
تحياتي
شيخ السجالات
البدري زايد.
ليست هناك تعليقات:
إرسال تعليق