إلا كرامتي
خاطرة بقلمي
زغلول الطواب
هتهربي مني
وتروحي على فين
دنا مصدقت لقيتك
بعد غياب سنين
معقول بعد سهر الليالي
وعذاب الهجر
وكل إللي جرالي
عايزه تهربي مني تاني
وأرجع أسهر
وأبكي بدمع العين
يهون عليكي يا كرامتي
إذلالي وجرح مشاعري
وحياتك يا عزة نفسي
أستحاله أفرط في كرامتي
مهما كان الشوق والحنين
إللي جرحت قلبي
ونسيت حبي
في غمضة عين
بكره تندم وتبوس اليدين
أنا إللي يبيعني أبيعه
حتى لو كان جمالها
يماثل جمال حور العين
لو كنتي فاكره جمالك
وخفة دمك ودلالك
هيشفعولك عند قلبي
تبقي يا حلوه مغروره
بكره تتبدل الصوره
ويدبل جمالك في يومين
يا عاشق الجمال
وعاجبك الشعر السايب
ليل ونهار هيمان
وفي حلاوته دايب
بكره هيتبدل الشعر
الأسود بالشعر الشايب
وتندم على لهفتك
والجري ورا الحلوين
زغلول الطواب
ليست هناك تعليقات:
إرسال تعليق