أنا قلبى مش تحت الطلب ..... للشاعر / عبد الهادى الشعراوى

أنا قلبى مش تحت الطلب
ولا عمره من حبك هرب
وبرغم عشقى لدنيتك
ما لقيتش وياك الطرب
أنا قلبى مش تحت الطلب ...ولاعمره من حبك هرب
....
ما اقدرش اعيش من غير امانى
ولا اقف طابور ولا صف تانى
أنا قلبى عمره ما كان أنانى
أنا عشق قلبى بينطلب
أنا قلبى مش تحت الطلب ...ولاعمره من حبك هرب
.....
أنا عشقى غير كل البشر
ماظلمش قلبى يوم بشر
فبلاش تقرب خطوتك
ولا حتى تقدم طلب
أنا قلبى مش تحت الطلب ...ولاعمره من حبك هرب
....
ياللى إنت كنت دنيتى
إبعد بعيد عن سكتى
بلاش تردد غنوتى
علشان مالكش فى الطرب
أنا قلبى مش تحت الطلب ...ولاعمره من حبك هرب