كتير جرحك بيألمنى
يا ظالمنى وقلبى معاك
وأنا والحب فى سفينة
تودينا على المينا
وباتمنى فى يوم ألقاك
تنور بالأمل قلبى
أعيش للهوى وحبى
ولا أسلاك
يا أغلى ملاك
ملكت القلب من كلمة
وبالذمة
أنا باهواك
وكل يوم بافتكرك
وزاد سحرك
وروحى فداك
وراح أعيش على ضيك
ومين زيك
بيأسرنى يعلمنى
فنون العشق والنشوة
وأنا وياك
وقلبك ليه صبح قاسى
كتير ناسى
بيسقينى مرار كاسى
وباترجاك
فى يوم ما تمسك الدفة
مع الألفة
أقول ما أحلاك
يا ساكن قلبى وأشعاري
تروح أنت ولا دارى
وباكتبها وأنا فاكراك
تعالى نحى أمانينا
ونقضى أحلى ليالينا
فى غنوة حب تحيينا
وكلمة شوق ترسينا
لبر هناك
ح نلقى فيه محبتنا
تزيد وتهدى سكتنا
ونرجع تانى سوا لبيتنا
وح أستناك
..............................
للشاعرة / بتول العتربي
ليست هناك تعليقات:
إرسال تعليق