يا ست الكل أنا جوزك
الشاعر محمد ضباشه
يا ست الكل أنا جوزك
فليه بوزك مادد شبرين
رسماني أراجوزك
وناتفة الريش من الجناحين
رغم أنا كنت خيالك
ساكن قلبك وخيالك
وقعت في خية أفعالك
وزودتي المبلة طين
لفين وخداني وياكي
وليه طرداني براكي
أنا في وادي
وواديكي سبب ضيقي
وألاقيكي ما ألاقيكي
غير صرخة علي الشطين
وجو الدنيا متعكر
وريح القسوة متغندر
كرهت عيشة البندر
المنزوعة حنان و حنين
كفاية أنين يعض الحين
ويكسي الجسم أحزانه
أنا وأنت خلاص باعدين
والقلب ما لاقي أحضانه
ننام علي الصراع باكين
ونصحي نهد في الباقين
ولا نافع معاك اللين
وراح عنتر مع حصانه
ليست هناك تعليقات:
إرسال تعليق